(ВИДЕО) Русија развива свој електричен автомобил – вчера првпат на улиците на Москва

Првиот руски електричен автомобил „Атом“ денес за првпат јавно се возеше по улиците на Москва. Претсерискиот модел се движеше по главните сообраќајници на главниот град, вклучувајќи ја и Павелецката кејска улица, извести РИА Новости.

„Автомобилот се возеше по Павелецката кејска улица, Третиот транспортен прстен, Ленински и Комсомолски проспект, Авенијата Мира и стигна до Музејот на Атомот на ВДНХ“, се наведува во соопштението.

Сериското производство се очекува да започне средината на 2025 година

Електричното возило е развиено од компанијата JSC Кама, а кон крајот на 2024 година беше претставен претсерискиот примерок.

За оваа година е планирано отворање на специјализиран сервисен центар за развој на технологии за одржување на електрични возила.

Стартот на сериското производство на моделот „Атом“ е планиран за средината на 2025 година во фабриката Москвич.