Вклучено е светлото за гориво? Еве уште колку можете да возите

Возењето со скоро празен резервоар може да предизвика сериозно оштетување на системот за гориво – како што се дефекти на пумпа или инјектор – што може да резултира во високи трошоци за поправка

Сите возачи барем еднаш се нашле во ситуација кога светлото за горивото ќе светне  – знак дека резервата е минимална и дека бензинската пумпа треба да се најде што можно поскоро. Но, колку навистина можете да преминете после тоа предупредување?

Според британскиот “Кралски автомобилски Клуб” (RAC), повеќето автомобили имаат можност да возат помеѓу 50 и 70 километри по вклучувањето на светлото. На пример, Форд Фиеста може да издржи уште 60 километри, додека Фолксваген голф често достигнува 70 километри пред целосното празнење на резервоарот.

Безбедносен резервоар- мит или реалност?

Некои модели на автомобили дури и по целосното празнење имаат дополнителна мала резерва – околу 15 километри. Но, експертите посочуваат дека не треба да се толкува како предизвик, туку како последно предупредување.

Зошто не е мудро да се ризикува?

Возењето со скоро празен резервоар може да предизвика сериозно оштетување на системот за гориво – како што се дефекти на пумпа или инјектор – што може да резултира во високи трошоци за поправка.

Што да направите кога ќе истече горивото?
Ако се најдете во ситуација кога горивото ви истекува, се препорачува:

Намалете ја брзината на возење
Избегнувајте непотребно стоење со моторот вклучен
Изберете ја најкратката и најбрзата рута до бензинската пумпа
Исто така, корисно е да се избегнат сообраќајните гужви и одложувањата затоа што тие исто така го трошат горивото што останува.

Точни проценки на преостанатата километража по осветлувањето на светлото може да се најдат во прирачникот за возила, но и на веб -страниците, кои нудат податоци за ориентација за најпопуларните модели врз основа на десет проценти од капацитетот на резервоарите и просечната потрошувачка