Експертите откриваат: На оваа километража, вашиот автомобил губи четвртина од вредноста – продадете го пред тоа!
Новата анализа на илјадници користени автомобили ги откри клучните моменти кога возилата доживуваат најголем пад на вредноста. Истражувањето спроведено од платформата за продажба на возила “Carwow” ги идентификуваше точните километражи на кои сопствениците трпат најголеми финансиски загуби.
Многу фактори влијаат на вредноста на користениот автомобил – од општата состојба, редовното одржување и староста, но километражата се покажа како еден од клучните параметри кои одредуваат колку пари ќе добие сопственикот кога ќе одлучи да го продаде своето возило.
Carwow детално ги анализираше податоците за цените на користените автомобили продадени на својата платформа помеѓу 2022 и 2024 година, откривајќи загрижувачки тренд за сопствениците на возила.
Првата критична точка веќе на 15.000 километри
Добро е познато дека вредноста на автомобилот значително паѓа веднаш штом ќе излезете од салонот, но малкумина знаат дека сопствениците го доживуваат првиот сериозен финансиски удар веќе кога возилото поминало само 15.000 километри. Во тој момент вредноста на возилото паѓа за цели 22 отсто во однос на почетната цена.
Сепак, она што е уште поалармантно е дека најдраматичен пад на вредноста се случува кога автомобилот ќе достигне 30.000 километри, кога цената во просек паѓа за дополнителни 24 проценти! Ова е клучниот момент кога многу сопственици несвесно губат огромен дел од вложените средства во возилото.
Како што се зголемува километражата, вредноста драстично опаѓа
Истражувањата покажаа дека откако автомобилот ќе помине 100.000 километри, неговата вредност опаѓа во просек за неверојатни 64 отсто во споредба со неговата првобитна цена. Ова претставува психолошка бариера за многу купувачи на користени возила.
Следниот значителен пад на вредноста од 19 проценти се случува кога возилото ќе достигне 150.000 километри, што ја отежнува продажбата на автомобили со голема километража.
„Нашите податоци јасно покажуваат колку е важно да се следи километражата. Сопствениците кои сакаат да го продадат својот користен автомобил треба да дејствуваат брзо бидејќи чекањето може да забележи значително опаѓање на цената, особено кога автомобилот ќе достигне 15.000 километри“, објаснува Јан Рид од Carwow.
Тој додава: „Постојат бројни фактори кои влијаат на вредноста на автомобилот, сепак, километражата е еден од клучните параметри кои, без разлика на разликите помеѓу моделите, секогаш ќе имаат одлучувачко влијание врз крајната цена“.
