Најзафатениот град во Европа: Возачите губат 101 час годишно

Лондон е најзафатениот град во Европа, со возачи заглавени во сообраќајот во просек по 101 час минатата година.

Слично како и неговиот сообраќаен метеж, позицијата на Лондон како најпренатрупани град во Европа остана непроменета, на врвот на листата пред Париз и Даблин.

Возачите во Лондон минатата година поминале во просек 101 час заглавени во сообраќајот, што е зголемување од 2% во однос на претходната година, според компанијата за транспортна аналитика “Inrix”.

Во последниве години, градот бележи постојан пораст на метежот, од 97 часа во 2022 година на 99 часа во 2023 година. А40 Вествеј во Лондон е оценет како најпреоптоварен пат во ОК, а најлошото време е од 17 до 18 часот.

Зад Лондон е Париз, со 97 часа, а трет е Даблин со 81 час.

Inrix ги процени трошоците за Лондон на околу 3,85 милијарди фунти, што е еквивалентно на 942 фунти за секој од 4-те милиони возачи во градот.

Компанијата соопшти дека користела различни извори на податоци за да ја изгради својата анализа, вклучувајќи телефони и возила.

Инрикс вели дека Лондон ги содржи повеќето од најлошите коридори за доцнење на сообраќајот во ОК поради неговата „концентрација на население, вработување и економска активност“.

Лондон е познат по проблемите во сообраќајот, а Пикадили стана синоним за хаотични прометни места.