Петте најсигурни автомобили до 3.000 евра! Ги препорачуваат и експерти и таксисти

На веб-страниците и групите за продажба на половни автомобили, најпопуларните пребарувања се за возила под 3.000 евра, па сега ќе разгледаме што треба да се земе предвид при изборот на најдобрите автомобили.

На списокот под 3.000 евра не треба да гледате дизел, бидејќи за тие пари е речиси невозможно да се купи автомобил кој подоцна нема да има скапи дефекти, инвестиции и проблеми.

Пред сè, секој возач треба да си бара автомобил според потребите – за некого е доволен помал, но друг го бара најдоброто семејно возило.

Експертите препорачуваат да се утврди дека „одржувањето е прифатливо“ за 3.000 евра, за брзо да не се претворат во многу поголема сума, а бидејќи се работи за половни автомобили, во одреден момент ќе дојде некаков сервис, па дефинитивно мора да се консултираме со механичарот што е најдобро да се направи.

Како и со секое друго купување, треба да имате на ум дека последователните трошоци за одржување нема да бидат премногу високи. Исто така, важен е и визуелниот изглед на возилото.

Откако ќе се исполнат сите овие услови, експертите предлагаат неколку автомобили до 3.000 евра кои би биле добар избор.

Интересно, ова мало истражување на сајтовите за продажба на половни автомобили покажа дека пет од пет возила се од европски производители.

Можеби најдобрата серија „Astra“ од првата F па сè до K е „Astra H“.

Може да се најде во многу верзии, како „GTC“ со три врати, хечбек со пет врати, караван, кабриолет или многу ретко како лимузина.

Надворешниот квалитет на изработка е врвен, сите делови на шасијата се масивни и добро изработени. И по стотици илјади километри, нема забележителни разлики.

Сепак, внатрешноста е таа што може да придонесе за послаба продажба – возачите се жалат дека практичноста не е нејзината силна страна.

„Astra H“ сè уште држи високо место меѓу сигурните половни автомобили. Со своите остри линии го задржала свежиот изглед, иако поминаа 20 години од нејзиното претставување. Добра е за возење низ град, а исто така и за подолги релации. Доброто е што поправките и деловите за овој модел лесно се наоѓаат.

Овој автомобил најчесто се појавува во препораките за половни автомобили под 3.000 евра како многу сигурен.

Препораката е за бензинец 1.4 со 95 коњски сили.

Се работи за солиден сооднос на квалитет за парите, и затоа е многу едноставен и евтин за одржување.

За време на неговиот почеток, тој бил наречен „Fiat Grande Punto“, а подоцна и „Punto“.

Изборот се сведува на каросерија со три или пет врати, но се препорачува да се избегнуваат оние со само три врати.

Квалитетот на надворешноста и внатрешноста не е на исто ниво со другите кандидати, но тоа е очекувано за оваа цена.

Kaj „Grande Punto“, сите поправки се прилично евтини, а деловите, и нови и користени, се навистина достапни.

„Renault Megane“, со својот 1,6 бензински мотор, обично се опишува како автомобил „во кој таксистите се колнат“.

Ќе добиете повеќе простор со салон верзијата, но верзијата со пет врати е попрактична и поубава.

Кога ќе се одлучите за формата, добрата вест е дека ниту еден модел не се покажал како лош, од 1.4 до турбо моделот „Renault Sport 2.0“ со 222 КС, објави веб-страницата „Autoexclusive“.

Како што е наведено, за секојдневна употреба низ градот и удобно возење, верзиите 1,6 l (меѓу бензинските мотори) и 1,5 турбодизел се добри. Ако ви треба енергија, бензинецот 2.0 ќе ви ја испорача.

Најголем проблем кај овој модел е падот на вредноста на новиот автомобил. Нов „Megane“ брзо ја губи вредноста, па затоа треба да бидете внимателни кога купувате скоро нов бидејќи може да се најде за помалку пари. По третата година цената драстично побавно опаѓа.

Меѓу подостапните и посигурни половни автомобили се споменува и „Peugeot 207“ кој е одличен за градско возење, но и за подолги релации, како и „Opel Corsa D“.

Препорачаните мотори на „Peugeot“ се бензинските мотори 1,4 и 1,6 со 75 и 109 коњски сили, а за „Corsa D“ се препорачува бензинец 1,4 со 90 коњски сили.

Зошто Балканците сакаат автомобили од европски производители?
Има повеќе причини и не е соодветно да се генерализираат, но главни се довербата во квалитетот и доверливоста, особено на автомобилите од Германија.

Втората најчеста причина е од практична природа, а тоа е достапноста на резервните делови и сервисот. Со оглед на тоа што на пазарот се застапени половни автомобили од европски производители, нивните делови се лесно достапни и често поевтини од деловите за марки на автомобили кои се помалку застапени.