Германскиот производител на возила прогласи банкрот
Германскиот производител на воздушни такси “Volocopter” прогласи банкрот додека бара нов инвеститор, објави компанијата од своето седиште во Бручал, во близина на Карлсруе.
Компанијата има потреба од финансиски средства кои ќе и овозможат да ги направи последните чекори за да излезе на пазарот“, вели новиот стечаен управител.
На Volocopter сè уште му треба сертификат за тип од Агенцијата за воздухопловна безбедност на Европската унија (EASA) за неговиот електричен вертикален авион за полетување и слетување (eVTOL) за превоз на патници.
Лилиум најде инвеститор за да ја спаси од банкрот
Волокоптер продолжува да претпоставува дека ќе се најде инвеститор следната година, и покрај тоа што во четвртокот поднесе барање за стечај.
Европскиот производител на летечки такси „лета“ за Кина
Кинезите почнаа да градат фабрика за производство на летечки автомобили
„Во националната и меѓународната конкуренција, ние сме многу напред технички, во искуството со летање и во процесот на сертификација“, рече извршниот директор Дирк Хок.
Хок треба да ја напушти компанијата на крајот на февруари.
Минатата недела германскиот пионер во производството на мали електрични авиони Лилиум најде инвеститор за да го спаси од банкрот.
Конзорциумот од инвеститори, “Mobile Uplift Corporation”, потпиша договор за купување на стартап кој развива мали електрични авиони со вертикално полетување и слетување во последните десет години.
