„Нашите автомобили станаа тотеми на екстремната десница“: Група сопственици на автомобили „Тесла“ покренаа тужба
Група сопственици на автомобили Tesla во Франција покренаа тужба против гигантот за електрични автомобили, тврдејќи дека нивните возила станале „симболи на екстремната десница“ поради контроверзните политички активности на основачот Илон Маск.
Десет француски закупувачи на возила на Tesla бараат раскинување на договорот за лизинг пред Стопанскиот суд во Париз, наведувајќи дека дејствијата на Маск им предизвикуваат „директна и конкретна штета“.
Адвокатите Патрик Клугман и Иван Терел од адвокатската канцеларија GKA истакнаа дека автомобилите на Tesla станале „тотеми на екстремната десница“, што е во целосна спротивност со првичната намена на овие возила како иновативни и еколошки.
Тужбата доаѓа откако Маск активно го поддржуваше Доналд Трамп за време на претседателската кампања и јавно застана на страната на десничарските партии во Европа, вклучително и Алтернатива за Германија (AfD). Особено контроверзна беше споредбата на Маск со нацистичкиот поздрав за време на инаугурацијата на Трамп, што предизвика бура од критики ширум светот.
Автомобилите на Тесла се жестоко нападнати поради екстремизмот на Маск
Ситуацијата ескалира толку многу што сопствениците на Tesla почнаа да пријавуваат вандалски напади врз нивните автомобили, вклучително и еден сопственик кој пронашол симбол на свастика врежан во неговото возило, додека друг сопственик нашол измет на неговиот автомобил.
Продажбата на возила на Tesla во Европа падна за речиси 50%, што е директно поврзано со политичките ставови на Маск. Во Франција продажбата падна за катастрофални 67% во мај во споредба со истиот период минатата година, што јасно покажува дека европските купувачи масовно бегаат од брендот.
Многу сопственици, од очај, почнаа да лепат налепници на своите автомобили Тесла со порака „Го купив ова пред да полуди Елон“ во обид да се дистанцираат од негативниот имиџ на брендот. Адвокатите тврдат дека нивните клиенти „станале заробеници на нивните договори“ поради политичките авантури на Маск.
Маск се повлече од политиката по катастрофалните последици
Глобалното тело за заштита на потрошувачите “Еко” објави истражување кое покажува дека Tesla стана најмалку популарната марка за електрични возила во Соединетите држави поради опаѓањето на имиџот на Маск во јавноста. Меѓу осумте тестирани марки, Tesla имаше најнизок нето рејтинг од само +11.
Ситуацијата стана толку драматична што Маск јавно се покаја и призна дека можеби претерал со својата политичка инволвираност. Сепак, штетата е веќе направена, а Tesla се соочува со континуирани протести и вандализам на нејзините салони низ САД и Европа.
Тужбата претставува прв организиран правен напад врз Tesla за политичката штета што Маск ја направи на брендот. Иако тужбата е сè уште во рана фаза, бројот на незадоволни клиенти кои се приклучуваат на правната постапка може драстично да порасне, што би значело дополнителен правен кошмар за веќе потресената компанија.
