Најскапите чевли на светот: Магични чевли од „Волшебникот од Оз“ продадени на аукција за вртоглава сума на пари!
Волшебните влечки на Дороти се продадени за 28 милиони долари, што ги прави најскапиот филмски додаток продаден на аукција.
Парот црвени чевли е еден од четирите преостанати пара од култниот филм „Волшебникот од Оз“ од 1939 година, во кој ги носела Џуди Гарланд, а кои некогаш биле украдени од музејот каде што се чувале.
Наддавањето за пар црвени чевли започна од 1,55 милиони долари и првично се проценуваше дека ќе се продаде за повеќе од 3 милиони долари.
“Heritage Auctions” соопшти дека чевлите ја надминале нивната проценка во првите секунди од наддавањето и дека ниту еден друг пар рубин црвени чевли не се приближил до рекордната цена.
Еден пар беше продаден во 2000 година за 666.000 долари. Стивен Спилберг и Леонардо ди Каприо купија уште еден пар за два милиони долари во 2000 година и го донираа на Музејот на Академијата за филмски уметности и науки во Лос Анџелес.
Чевлите не беа единствениот артикл на Волшебникот од Оз што беше продаден – капата на Злобната вештерка беше продадена за 2,9 милиони долари.
На вредноста на црвените обувки секако влијаело тоа што тие биле украдени од музејот „Џуди Гарланд“ во Гранд Рапидс, Минесота во 2005 година. Седумдесет и седумгодишниот Тери Џон Мартин ја искршил витрината со чекан и ги грабнал.
Тие беа пронајдени дури 13 години подоцна кога ФБИ доби дојава.
