Некој доби 1,269 милијарди долари на лотарија: Ова е 5-та најголема добивка во историјата на САД

На лотаријата „Mega Millions“ непознато лице освоило премија од 1,269 милијарди долари.

Во лотаријата „Mega Millions“ во Соединетите Американски Држави, непознато лице освоило премија од дури 1,269 милијарди долари, пишува „CNN“.

Тоа е петти најголем џекпот во историјата на игрите во САД.

Добитниот билет беше продаден во Котонвуд, Калифорнија, на околу 200 километри северно од Сан Франциско. Добитните броеви се 3, 7, 37, 49 и 55 со дополнителниот број 6.

Наградата не беше извлечена во претходните 30 извлекувања, со што наградниот фонд достигна астрономски 1,269 милијарди долари. Според американските медиуми, шансите за победа се 1:302.000.000.

Продавницата во која е продаден билетот ќе добие бонус од еден милион долари. Тоа е најголема можна добивка за продавницата кога ќе се повлече премијата.

„Целото семејство беше многу возбудено“, вели Ишар Гил, сопственикот на продавницата каде што се покажа дека е добитниот билет.