Цената на претплатата вртоглаво порасна
X ја зголеми цената на претплатата на Premium Plus за речиси 40 проценти.
Платформата X, во сопственост на Илон Маск, ја зголеми цената на својот најексклузивен претплатен пакет во неколку региони, а причината е да се зголеми исплатата на награди на креаторите на содржина на оваа платформа.
Зголемувањето на цената на претплатата на Premium Plus стапи на сила на 21 декември. Така, во САД цената е покачена од 16 на 22 долари месечно, а на годишно ниво изнесува 229 долари (наместо досегашните 168 долари).
Многу европски земји, како Франција, Германија и Шпанија, се погодени од слични зголемувања, каде месечната претплата на X Premium Plus е зголемена од 16 на 21 евро.
Повисоките цени на претплатата важат веднаш за новите претплатници, додека новите цени за постоечките претплатници од 20 јануари. Цената на основната претплата на X останува непроменета.
X вели дека овие промени сега им помагаат на креаторите на содржини да заработат повеќе на оваа платформа на поголем и подиректен начин. Дополнително, претплатниците на Premium Plus ќе имаат приоритет кога станува збор за корисничка поддршка, ќе добијат пристап до дополнителни функции и ќе имаат пониски ограничувања на услугите како што се моделите на Grok AI.
