„Ги отворив очите и сфатив дека сум опколена“: Софија сама отишла на кампување и наишла на ѕверови: Но тоа не било крајот на нејзините неволји

Софија, млада девојка која ја сака природата, сигурно никогаш нема да ја заборави ноќта на кампување која за малку ќе завршила трагично – сето тоа поради ненајавен гостин!

Имено, Софија Гелкаури (24) од Германија студира да стане деловен администратор и ја користи секоја прилика да поминува време во природа, далеку од градот и неговата врева, бидејќи живее веднаш до аеродромот во Франкфурт. Како што вели, го поставила својот хамок за една ноќ под ѕвездите меѓу две дрвја, но овој пат се било поинаку.

– Често го правам тоа, само барам мир и тишина во природата. Веќе заспав кога наеднаш слушнав чудни звуци кои ме разбудија, ги отворив очите и сфатив дека ме опколија! – изјавила Софија за „Билд“, а потоа открила дека одеднаш била опкружена со стадо диви свињи.

Таа додала дека некое време поминала во хамокот, надевајќи се дека животните ќе избегаат.

– Тогаш повикав брза помош и прашав што да правам – вели 24-годишната девојка.

Вообичаено, во вакви ситуации се препорачува да плескате и да правите врева. И животните реагираа – прво гледаа и нетрпеливо чекаа, но потоа сепак продолжија по својот пат.

Прерано за радување!

Но, на нејзините маки немаше крај бидејќи глутницата се врати.

– Тогаш повикав полиција околу полноќ – додала таа.

Превентивно го алармирале и ловецот. Кога пристигнала полицијата, свињите веќе го напуштиле шумскиот камп без да направат ништо. Софија Гелкаури излегла од шумата со полиција, веќе мислејќи: Имав среќа!

Но, лошата среќа не доаѓа сама, како што открила Софија, бидејќи кога ја напуштала шумата, го повредила глуждот, поради што морала да оди во болница.

Таа била лекувана во болница во Линц, а необичната авантура, како што вели, не успеала да ја разниша нејзината љубов кон природата.