Градот е под вода, владее тотален хаос: Апокалиптични сцени од Дубаи

Во Обединетите Арапски Емирати (ОАЕ) наврнало повеќе од годишнопт просек на дожд, патиштата околу аеродромот се поплавени, а очајните семејства се обидувале да побегнат од градот.

Сведоците на аеродромот рекле дека не останале празни места во зоната за чекање. Најпрометниот аеродром во светот за меѓународни патници потврдил дека е запрено пристигнувањето околу 15:30 часот, пред да објави „постепено продолжување“ повеќе од 2 часа подоцна.

На снимките од Дубаи се гледаат поплавени скапоцени автомобили оставени на сред улица додека нивните сопственици се обидувале да се спасат.

Во трговските центри паѓале покриви, а сопствениците на продавниците собирале со крпи вода како би успеале да ја спасат робата.