Дали се разведе најтажната принцеза? Ќе успее ли конечно да побегне од принцот Алберт

Принцезата Шарлин, која многу медиуми ја опишуваат како „најтажната принцеза на светот“, повторно е во центарот на вниманието поради најновите гласини за нејзиниот брак со принцот Алберт.

Минатата недела, таа беше видена со сопругот на погребот на поранешниот француски министер за Монако, Дидие Гијом. За оваа пригода, 46-годишната принцеза носеше едноставен црн фустан до колена, со косата врзана во дискретна пунџа и минимален накит. Сепак, она што најмногу го привлече вниманието беше фактот дека не носеше бурма – што повторно ги разгоре шпекулациите за нејзиниот брак.

Долгогодишни шпекулации и тешки моменти

Со нив на погребот присуствуваа и внукот на Алберт, Пјер Касиранки, неговата сопруга Беатрис Боромео, како и францускиот претседател Емануел Макрон. Но, и покрај официјалниот повод, медиумите останаа фокусирани на односот помеѓу принцезата и нејзиниот сопруг.

Новинарите ја нарекоа „најтажната принцеза“ откако таа не можеше да ги задржи солзите на денот на нејзината венчавка – нешто што остави впечаток дека нејзиниот брак не започнал со среќна приказна.

Проблемите во нивниот однос, наводно, почнале уште пред свадбата. Неколку дена пред церемонијата, Никол Кост, поранешната љубовница на Алберт, објави дека со принцот има две вонбрачни деца. Според шпекулациите, оваа вест ја потресла Шарлин толку многу што сакала да ја откаже свадбата и дури три пати се обидела да побегне од Монако. Наводно, луѓето на Алберт ѝ го одзеле пасошот и не ѝ дозволиле да замине. Се разбира, официјалните претставници на кралското семејство ги негираа овие тврдења.

Брак под лупа

Наместо да биде насмеана и среќна невеста, Шарлин помина голем дел од свадбената церемонија во солзи. Подоцна тврдеше дека плачела поради „емоциите на денот“, но нејзиниот израз на лице кажуваше друга приказна – тага, лутина и загриженост.

Со текот на годините, принцезата често беше мета на медиумски шпекулации, но таа постојано негираше какви било проблеми во нејзиниот брак.

„Ако има илјада фотографии од мене од некој настан, тие секогаш ќе изберат една каде што гледам надолу или не се смеам – и ќе кажат дека сум несреќна. Чувствувам дека намерно создаваат одредена приказна“, изјави Шарлин во еден од своите ретки коментари на оваа тема.

„Нашиот брак е во ред. Гласините ме мачат, и не можам да разберам од каде доаѓаат“, додаде таа.

Сепак, со нејзиното повторно појавување во јавноста без бурма, шпекулациите не запираат. Дали ова е само уште еден медиумски сензационализам или вистински знак за проблеми во кралскиот брак? Останува да се види.