Нови драконски казни во Грција: Оваа грешка ќе ве чини скапо

Грција воведува построги сообраќајни казни со цел зголемување на безбедноста на патиштата.

Новите измени во Законот за сообраќај (КОК) предвидуваат ригорозни мерки против возење под дејство на алкохол и неправилно паркирање. Предлог-законот веќе е претставен во грчкиот парламент, а неговото усвојување се очекува во наредните недели.

Целта е намалување на бројот на сообраќајни несреќи и зголемување на безбедноста на патиштата.

Драстични казни за возење под дејство на алкохол

Според новиот Закон за сообраќај, возачите кои ќе бидат затекнати со алкохол во крвта се соочуваат со високи парични казни, привремено одземање на возачката дозвола, па дури и затвор. Санкциите се применуваат во зависност од концентрацијата на алкохол во крвта или здивот:

• Прво ниво: 0,50 – 0,80 g/l – казна 150 евра и одземање на дозволата за 20 дена
• Второ ниво: 0,80 – 1,10 g/l – казна 700 евра и одземање на дозволата за 90 дена
• Трето ниво: над 1,10 g/l – казна 1.200 евра, минимум 2 месеци затвор, забрана за возење 180 дена, одземање на регистарски таблички од 10 дена до 6 месеци и задолжително одземање на возилото

Во случај на повторен прекршок во рок од една година, следи казна од 1.000 евра и забрана за возење до 180 дена. Ако концентрацијата на алкохол е над 1,10 g/l, казната се зголемува на 2.000 евра и забрана до 2 години. Трет прекршок во рок од пет години повлекува одземање на возачката дозвола на 7 години.

Затворска казна за блокирање на шини и нови контролни зони

Посебно строги мерки се воведуваат за оние кои го блокираат железничкиот сообраќај сообраќај. Ако возило спречи минување на воз или трамвај, следува затвор од 1 до 5 години, со образложение дека ваквото однесување директно ја загрозува безбедноста на луѓето.

Во Атина, казната за блокирање трамвај се удвојува – од 75 на 150 евра, со дополнително одземање на дозволата на 60 дена. Казните се зголемуваат и за паркирање на тротоари, кружни текови и пешачки зони – од 100 на 350 евра, со забрана за возење 70 дена.

Нови ограничувања на брзината и построги правила за мотоцикли

Брзината пред училишта и градинки се намалува од 30 на 20 км/ч. Во тесни улици максималната брзина ќе биде 30 км/ч, во градски услови 50 км/ч, а на автопатите се зголемува на 140 км/ч.

Носењето заштитна кацига е задолжително за сите корисници на мотоцикли – мотори, велосипеди и електрични тротинети. Ќе има и построги контроли за користење мобилен телефон при возење и за минување на црвено светло.

Туристите ќе се соочат со нови правила ова лето: „Казна е 300 евра“

Грчката влада нагласува дека сите нови мерки имаат за цел намалување на несреќите и зголемување на колективната безбедност на патиштата. Законот стапува во сила по неговото усвојување во парламентот, а на возачите им се препорачува максимална претпазливост и почитување на сообраќајните прописи.