Пакети хуманитарна помош фрлени од авион убија најмалку пет луѓе во Газа
Најмалку пет лица загинаа денес, а 10 се повредени во кампот Ал Шати западно од градот Газа откако врз нив паднале пакети со хуманитарна помош фрлени од авион!
Новинар на CNN Кадер ал Занун пренесе дека он лично видел како пакети фрлени од авион паѓаат врз кампот во Ал Шати, но не можеше да потврди која држава ги фрлила.
Началникот за итни случаи, Ал-Шеик потврди дека имало 5 смртни случаи во инцидентот.
САД и другите земји фрлаат хуманитарна помош од авиони во Газа по предупредувањата од Обединетите нации дека стотици илјади луѓе во енклавата се на работ на глад.
Во саботата САД први извршија ваква испорака, а потоа беа испорачани 38.000 оброци на медитеранскиот брег на Газа, а операцијата беше спроведена во соработка со Јордан.
Откако претходниот ден американскиот претседател ЏоБајден најави испорака на помош од авион, хуманитарните агенции објавија дека таа е неефикасна со оглед на обемот на потребите во Појасот Газа.
