Рубио: Прекин на огнот во Украина е можен за неколку дена доколку Москва се согласи
Тој додаде дека очекува срдечни разговори со канадските власти и покрај заканата на Трамп за анекс на Канада.
Американскиот државен секретар Марко Рубио изјави дека се надева оти прекинот на огнот меѓу Русија и Украина може да биде постигнат во рок од неколку дена доколку руските лидери се согласат и планираат да ги натераат дипломатите од Групата 7 да се фокусираат на завршување на војната на состанокот оваа недела во Канада, пренесува Танјуг, цитирајќи го Њујорк Тајмс.
„Вака би сакале светот да изгледа за неколку дена: ниту една страна нема да пука во другата – без ракети, без проектили, без куршуми, ништо, без артилерија“, им рече тој на новинарите во Ирска, на пат од Саудиска Арабија кон Канада.
Канадска царина
Престанува пукањето, престануваат борбите и почнуваат разговорите, истакна Рубио и изјави дека верува оти нема да наиде на непријателство од американските сојузници поради неодамнешните тарифи што ги воведе претседателот на Соединетите Американски Држави, Доналд Трамп.
Тој додаде дека очекува срдечни разговори со канадските власти, и покрај заканата на Трамп дека ќе ја анектира Канада и ќе ја направи 51-ва американска сојузна држава.
„Тоа не е она за што ќе разговараме на Г7 или за време на нашето патување. Тие се земјата домаќин и имаме многу други работи на кои работиме заедно“, рече Рубио.
Гест на добра волја
Вчера, по разговорите во Саудиска Џеда, тој рече дека Русија ќе ја прифати понудата за 30-дневно примирје во Украина.
„Украина направи позитивен чекор, се надеваме дека Русите ќе возвратат. Тоа би бил најдобриот гест на добра волја од руска страна“, рече тој, посочувајќи дека не постои рок до кој треба да започне примирјето, но „се надеваме што е можно поскоро“, пренесува Ројтерс.
Американскиот државен секретар додаде дека Украина и САД ќе работат на финализирање на договорот за минерали. Украинската и американската делегација разговараа за мировниот договор за ставање крај на украинскиот конфликт и билатералните односи меѓу двете земји.
