Српската полиција проверува нова трага! Дали е ова снимка од малата Данка во Виена: Била со две Романки

Нова трага во истрагата за исчезнатата Данка Илиќ се појавила утрово во три и пол часот по полноќ, кога полицијата добила информација дека девојчето е видено во Виена во придружба на две романски државјанки. „Блиц“ дошол во сопственост на видео од девојката за која се сомничи дека е исчезната Данка Илиќ.

Девојче кое личи на исчезнатата Данка Илиќ е снимена во центарот на Виена во придружба на две жени. Интензивно се работи на идентификација и лоцирање.

Полицијата синоќа стапила во контакт со австриските колеги и му ги испратила на Европол сите податоци и видеото.

Оваа информација сè уште е непроверена, а полицијата има должност да ја провери секоја пријава.

Колку и да звучи неверојатно оваа информација, полицијата има должност да ја провери бидејќи ниту една трага, колку и да е чудна, не може да се игнорира. Така полицијата преку Интерпол со помош на колегите од Босна и Херцеговина пред неколку ноќи ги проверила гласините на Тик Ток дека тројца мажи од Босна и Херцеговина знаеле каде исчезнала Данка и дека за неа бараат откуп од 25.000 евра.

По извршената проверка било констатирано дека оваа информација не е точна, а тројцата уапсени по извршената проверка биле пуштени на слобода.