[ВИДЕО] Погледнете го ова суштество: Истражувачите на дното на океанот снимија необичен блескав црв

Пред истражувачот помина мало животно со долги црни влакна кои блескаат на светлината на подморницата и кое наликува на мала „диско гасеница“ која шета по морското дно.

Океанското дно е многу круто место за живеење, со малку кислород и уште помалку дневна светлина, поради што само неколку видови успеваат да преживеат. Поради таквите услови имаат и многу необични форми, кои би го запрепастиле секого доколку испливаат на површината на морето во, да речеме, Јадранот. Едно такво чудно суштество било фатено од страна на истражувачите во близина на брегот на Чиле, додека го пребарувале дното на морето во подморница тешка 3.200 килограми.

Имено, пред нив помина мало животно со долги црни влакна кои блескаат на светлината на подморницата, а талкањето по морското дно наликува на мала „диско гасеница“, пишува IFL Science. Сепак, не се работи за гасеница, а особено не за „диско“ варијанта, туку за вид на длабокоморски црв познат и како црв со влакна.

– Секој сегмент од неговото тело има пар месести испакнатини наречени параподија, покриени со влакна наречени чатаи. Некои црви се биолуминисцентни, но оваа искра има протеински структури во влакната што ги прават да светкаат – објасни експертот Шмит Океан.

Тие знаат и како да создадат симбиотски врски со бактериите, благодарение на што можат да преживеат екстремно високи температурни разлики. Други, пак, живеат на диета од планктони и морски снег што паѓа од повисоките височини во океанот до дното.