Биле најголеми ривалки, омразата им се читала во очите: Убавата Марија ѝ го „украла“ дечкото, а таа ја навредила пред милиони
Омразата меѓу двете најдобри тенисерки на 21. век — Марија Шарапова и Серена Вилијамс — исчезна дури кога се пензионираа.
Најголемите ривалки во историјата на женскиот тенис несомнено се Русинката Марија Шарапова и Американката Серена Вилијамс. Покрај тоа што се икони на овој спорт, нивната меѓусебна динамика долго време беше во фокусот на медиумите — и на теренот и надвор од него.
Нивните конфликти често прераснуваа во отворени вербални напади. Најпознат е оној момент кога Серена ѝ го упатила навредливиот збор „куч*ко“ на Шарапова — за време на финалето на Австралија опен.
Беше 2007 година. Шарапова пристигна во Мелбурн како број 1 на светот, полна со самодоверба и со очекувања да го подигне трофејот. Јавноста ѝ веруваше. Серена, пак, тогаш беше само 87. на ВТА листата, дојдена по сериозна повреда и сметана за аутсајдер. Но кога станува збор за Серена — секогаш има место за изненадување. Иако тешко влезе во турнирот, во финалето ја прегази Шарапова, која едвај чекаше само да освои барем гем.
Серена имаше дополнителен мотив — да ѝ се одмазди на Шарапова за двата порази во 2004 година. Тогаш, како што откри Марија во својата автобиографија, Серена по поразот изјавила: „Никогаш повеќе нема да изгубам од таа мала куч*ка.“ Во 2007, светот директно го слушна тој епитет.
Имено, додека се играше финалето, Шарапова ја „удри“ топката директно во Серена — намерно или не, остана нејасно. Подигна раце за извинување, но Серена ладно ја погледна и прошепоти: „Куч*ко“.
Иако не реагираше веднаш, Шарапова не заборави. Години подоцна, на прес-конференција на Вимблдон, врати со иста мера.
Конфликтот дополнително се продлабочи кога Марија започна врска со бугарскиот тенисер Григор Димитров — поранешно момче на Серена. По објавувањето на врската во 2013 година, Серена не остана должна:
„Секое нејзино интервју почнува со: ’Толку сум среќна. Толку сум радосна.‘ Тоа е толку здодевно. И онака никој нема да ја покани на вистински журки. И, ако сака да биде со тип со црно срце — само напред.“
Шарапова, позната по својата студена елеганција и остроумен јазик, кратко и прецизно возврати:
„Тажно е тоа што го рече. Серена треба да зборува за своите спортски успеси, а ако веќе зборува за приватен живот, нека каже нешто за својот дечко кој е оженет, има деца и сега се разведува,“ алудирајќи на врската на Серена со тренерот Патрик Муратоглу.
По тоа, секој нивен дуел беше натопен со тензија. Серена секогаш настапуваше со посебна енергија против Шарапова, и на последниот нивен меч на УС Опен пред пет години, ѝ дозволи само два гема — убедлива победа за неполни 60 минути.
Сепак, по завршувањето на кариерите, тензиите стивнаа. Двете беа видени насмеани и пријателски расположени на заедничка фотографија од Мет Гала — што покажа дека ривалството го заменила зрелоста и почитта.
Денес, Марија Шарапова е мајка на тригодишниот Теодор, кој го доби со британскиот бизнисмен Александар Гилкс. Серена Вилијамс, пак, е во брак со коосновачот на Reddit, Алексис Оханијан, со кого ги има ќерките Олимпија (7) и Адира Ривер (2).
