Корисниците се бесни на Нетфликс поради новата одлука, некои од нив се закануваат дека ќе ги прекинат претплатите
Корисниците и претходно беа лути поради некои одлуки на компанијата, како забраната за споделување лозинка, а се чини дека новиот потег за некои беше последната капка.
Неодамна, Netflix воведе бројни промени во својата претплата видео услуга, како што е воведувањето на модел кој вклучува прикажување на реклами и забрана за споделување лозинки меѓу корисниците.
Многумина негодуваа на ваквите одлуки, но на крајот испадна дека, барем што се однесува до Нетфликс, тие беа полн погодок бидејќи влијаеа на растот на бројот на претплатници и, се разбира, на приходите на компанијата.
Откако компанијата објави нов пакет за одредени пазари кој вклучува прикажување реклами, што е поевтино од другите пакети, Netflix прво ги оневозможи новите корисници во Обединетото кралство, Канада и САД да се претплатат врз основа на модел на претплата што не вклучува реклами. а после тоа најавија дека целосно ќе го откажат тој модел и за сегашните корисници.
Нетфликс неодамна почна да испраќа мејлови до корисниците на тој модел во Велика Британија, Австралија и Канада со известување дека поддршката за основниот претплатен пакет завршува на 4 јуни и дека тој ден тие автоматски ќе бидат префрлени на модел на претплата што вклучува реклами.
Иако Netflix се обиде да им ги објасни сите предности на новиот модел на корисниците, на многумина не им се допадна промената и, како што е нагласено на Tech Radar, своето незадоволство го изразија на социјалните мрежи, каде што најавија дека ќе престанат да плаќаат претплати видео сервисот.
