Луѓето не можат да поверуваат колку заработува една американска стјуардеса месечно: „Како е тоа можно?“

ВИДЕО од американска стјуардеса во кое открива колку месечно заработува стана вирално.

Девојката, која на социјалните мрежи се претставува како Жозет Никол, веќе 14 години работи за Southwest Airlines. Во видеото што се прошири на интернет, на шеговит начин се пожали на својата работа, а потоа откри дека нејзината месечна плата изнесува 9.980,66 долари (околу 8.851,97 евра). Во описот појасни дека станува збор за бруто-износ, и дека месечно работи приближно 150 часа. Додаде и дека, благодарение на добро испланиран распоред, често зема дополнителни летови.

@josette_nicole

For context i have been at southwest for 14 years (first 4 were in reservations). This was my gross pay. I work about 150 trips (“hours”) a month. Pay does vary depending on how long you’ve been here and how many hours you work.  I am very good at my schedule and get a lot of VJA. #flightattendantlife #flightattendant #cabincrew #cabincrewlife #lifeatsouthwest

♬ original sound – ur mom

Разлики меѓу државите

Во коментарите многумина напишале дека не им е јасно како е можно да заработува толку многу. Видеото беше споделено и на Инстаграм, каде што се отвори дискусија за тоа дали таква плата е реална, а некои корисници објаснија дека со оглед на нејзиното долгогодишно искуство, таков приход е сосема возможен. Една стјуардеса од Европа се пожали на разликите меѓу државите, велејќи дека нејзината месечна плата никогаш не надминала 3.000 евра.

Според достапните податоци, во Соединетите Американски Држави стјуардесите и стјуардите заработуваат значително повеќе отколку во повеќето европски земји – особено со поголемо искуство и во големи авиокомпании. Поискусните стјуардеси често имаат поголеми основни плати, подобри рути и повеќе контрола врз својот распоред.