Медицинската сестра ја прогласи за мртва старицата (88), таа „оживеа“ пред погребниците: Цел град е во шок

Неверојатна грешка во медицинската пракса ја потресе Чешка откако 88-годишна жена и официјално беше прогласена за мртва, за подоцна да се „разбуди“ пред погребниците кои ја подготвуваа за погреб!

Според чешкиот дневен весник „Право“, партнерот на старицата повикал брза помош кога не успеал да ја разбуди, претпоставувајќи дека таа починала. Медицинска сестра која пристигнала на местото на настанот ја констатирала смртта и издала официјална потврда за смртта.

Сепак, драмата доби шокантен тек кога гробниците, подготвувајќи го телото за ковчегот, забележале дека старицата ги отвора очите! Преплашените работници веднаш повикале брза помош, која ја пренела жената во болница.

Иако старицата, со оглед на нејзината возраст и хроничните болести, е во стабилна состојба, инцидентот предизвика револт кај јавноста.

Полицијата покрена истрага против медицинската сестра поради сомнение за невнимание и неизвршување на работните задачи. Во меѓувреме, погребалното претпријатие кое го ангажираше споменатиот работник изрази жалење и најави дисциплински мерки.

Во Чешка, по законските измени во 2011 година, официјален форензичар е задолжен за утврдување на смрт. Овој случај, сепак, покажува колку грешките во тој процес можат да бидат опасни и трауматични за сите инволвирани.

Инцидентот се случил во Пилсен, град познат по својата позната пиварница, која сега стана позната по овој, за жал, морбиден настан.