Професионална чистачка откри 7 работи што никогаш нема да ги најдете во нејзиниот дом: Тешки се за одржување и привлекуваат бигор и прашина!
Чистењето на домот е многу корисно, но истовремено и исцрпувачко. Иако уредниот простор носи чувство на мир и организација, самиот процес бара многу време и труд, особено кога ќе се наталожат прашина, нечистотија или неред. За многумина, чистењето може да биде физички напорно, особено кога треба темелно да се исчисти секој агол од домот.
Џенифер Гарет откри дека одржувањето на хигиената во домот ќе биде значително полесно ако избегнете седум вообичаени работи кои можат да предизвикаат фрустрација.
Оваа експертка за чистење ги сподели своите најдобри совети за тоа како да го одржувате домот што е можно почист, а еден од нив е да не внесувате одредени предмети во вашиот дом.
Популарниот TikTok профил „CleanWithJ“ има илјадници следбеници кои уживаат во советите и триковите за чистење. Во едно од своите видеа, Џенифер, која поседува сопствена компанија за чистење, откри како избегнувањето на седум одредени работи може да ви заштеди многу мака при одржување на хигиената.
„Седум работи што никогаш не би ги имала во мојот дом како професионална чистачка“, изјави таа, пред да ја открие својата црна листа.
1. Силиконска четка за тоалет
„Апсолутен мит е дека овие четки се почисти од обичните четки за WC школката. Силиконот е многу тежок за чистење“, вели Џенифер.
2. Црни чешми во бањата
Таа исто така нагласи дека црните чешми се кошмар за одржување, особено во области со тврда вода.
„Многу е тешко да се отстрани бигорот. Изгледаат убаво, но само додека не почнете да ги користите“, предупредува таа.
3. Црн мебел
Црниот мебел е исто така голем НЕ за Џенифер, бидејќи прашината се гледа многу повеќе во споредба со мебел во други бои.
4. Мат кујнски ормани
„Не можам доволно да нагласам колку е тешко да се исчистат. Секој отпечаток од прсти или мрсен траг е речиси невозможен за отстранување без специјални средства“, вели таа.
5. Вертикални правосмукалки
Џенифер не е фан ниту на модерните правосмукалки.
„Извинете ако ова е непопуларно мислење, но тие се претешки и не се доволно флексибилни за мене“, вели таа.
6. Големи огледала со црни рамки
Огледалата со црни рамки станаа огромен тренд последните години, но според Џенифер, тие собираат премногу прашина во ситните пукнатини, што ги прави многу тешки за чистење.
7. Чешми со „водопаден“ млаз
На крај, Џенифер предупредува на чешмите со водопаден млаз, кои можат да бидат вистинска главоболка за чистење.
„Тоа е совршено место за наталожување на бигор! Тешки се за одржување, јас би ги избегнувала“, објаснува таа.
Корисници на интернет веднаш реагираа
Видеото брзо стана вирално, а корисниците веднаш почнаа да коментираат и да бараат алтернативни решенија.
„Јас сум водоинсталатер и неверојатно е колку клиенти ме повикуваат да ги заменат црните чешми само по неколку месеци користење, иако ги предупредив однапред!“, напиша еден корисник.
