Хаос на мрежите, луѓето не веруваат во она што го гледаат: Се сретнаа најмалото и најголемото куче на светот – еве како изгледаше тоа

Германската дога Реџи, висока цели 101 сантиметар, и чивавата Перл, висока едвај 9 сантиметри, се сретнаа во Ајдахо, САД, благодарение на Гинисовата книга на рекорди.

Фотографиите од највисокиот и најнискиот пес во светот го обиколија интернетот и предизвикаа вистинска сензација.

Сопственикот на седумгодишната Реџи, Сем Џонсон Рајс, изјави дека неговото куче е многу внимателно во присуство на Перл и свесно за нејзината минијатурна големина во споредба со сопствената.

„Мислам дека Реџи ќе се однесува многу добро со Перл, но најверојатно ќе биде повеќе заинтересирана за нејзините сопственици отколку за самата неа“, вели Рајс.

Од другата страна, Ванеса Семлер од Флорида, сопственичка на четиригодишната Перл, тврди дека нејзината миленичка не е свесна колку е мала, но дека е многу дружељубива.

„Кога Перл запознава поголеми кучиња, секогаш се однесува пријателски. Мислам дека нема поим дека е мал пес“, вели Ванеса и додава дека чивавата е многу разиграна во друштво на поголеми кучиња и постојано сака да биде блиску до нив.

Сопствениците велат дека преку фотографиите и видеата, сите можат да ја почувствуваат љубовта што ја имаат кон своите миленици, бидејќи за нив тие не се само животни – туку вистински членови на семејството, пренесува The Sun.