Хит сцена од Мостар: Потпишал развод – и ангажирал трубачи од Србија да свират „Иди, иди, несанице“
Еден Мостарец реши на сосема необичен начин да се прости од својот брак – со музика, пријатели и трубачи. За оваа ретко видена прослава, ангажираше музичари од Србија и организираше вистинска забава.
Веселата поворка тргна од едно кафуле во населбата Центар 2 во Мостар, каде започна ова несекојдневно славје.
Со звуците на труби и хармоника, поворката се задржа на кратка пауза за бурек во локална бурекџилница, а потоа точно во 9:30 се појавија пред зградата на Општинскиот суд во Мостар, каде што беше извршен официјалниот дел – потпишувањето на документите за развод.
Музичарите најпрво пред судот ја отсвиреа свршеничката песна „Излези, мала“, а откако разводот беше официјализиран, ја свиреа познатата „Несаница“. Настанот го привлече вниманието на минувачите, а трубачите за Hercegovina.info признаа дека никогаш досега не свиреле на ваков тип на настан.
