Го имате дома? Овој лустер од Југославија стана вистински хит – луѓето се подготвени да платат стотици евра

Слични модели може да се најдат и на огласници како Њушкало, каде што цените, во зависност од состојбата и димензиите, се движат од 200 евра па нагоре.

Производите од поранешна Југославија сè уште предизвикуваат голем интерес во јавноста, особено поради нивниот препознатлив дизајн и висок квалитет. Меѓу најбараните се лустерите од 70-тите години, кои особено привлекуваат внимание кај љубителите на ретро естетиката.

Лустер инспириран од „Space Age“ – вистински ретро бисер

На социјалните мрежи, во Facebook групата „Ретротека“, која е посветена на носталгични предмети од минатото, неодамна беа споделени фотографии од југословенски лустери, а реакциите не изостанаа.

Посебно внимание привлече Meblo Guzzini XL, модел со опал-кугла, чиј дизајн е инспириран од Space Age стилот.

— Како деца гледавме во нив и замислувавме дека се летечки чинии! — се присети еден корисник.

Додека некои само носталгично коментираа, други се заинтересираа за купување.

— Која е цената и колкав е дијаметарот? — праша еден од корисниците.

Авторот на објавата откри дека углата има дијаметар од 25 см, додека целиот лустер е широк 62 см. Цената? Само 150 евра.

Слични модели можат да се најдат на Њушкало, каде што цените варираат од 200 евра па нагоре, во зависност од состојбата и димензиите.

— Безвременски лустери! — прокоментира еден корисник, истакнувајќи го нивниот траен квалитет и уникатен дизајн.

Фен за коса од 70-тите сè уште работи совршено!

Но, лустерите не се единствените предмети од поранешната држава што предизвикуваат воодушевување.

Во истата група, еден корисник сподели фотографија од фен за коса „Искра Шкофја Лока“ од 70-тите години, кој – верувале или не – и денес работи без проблем.

— Неверојатно е како оваа направа, стара 50 или повеќе години, и понатаму е целосно исправна. Го исчистив детално и го подмачкав, бидејќи вакви предмети го заслужуваат тоа. Тотален ретро! — напиша тој.

Сепак, меѓу коментарите се разви и дебата околу вистинскиот производител. Еден корисник го исправи авторот на објавата, тврдејќи дека моделот всушност е произведен во „Искра Крањ“, додека авторот остана при своето:

— Овој модел фен го произведуваше погонот Шкофја Лока на „Искра Крањ“.