Каков ефект имаат ф’стаците врз нашиот вид?

Здравјето на очите е клучно за квалитетот на животот, а исхраната игра важна улога во неговото зачувување.

Научниците од Универзитетот Тафтс открија дека јадењето само две шаки ф’стаци на ден може да помогне во заштитата од макуларна дегенерација, водечка причина за губење на видот кај постарите лица.

„Нашето истражување покажува дека ф’стаците не се само вкусна закуска – тие можат да имаат значителни придобивки за здравјето на очите“, рече д-р Тами Скот, главен автор на студијата и невропсихолог.

Што е макуларна дегенерација?

Макуларната дегенерација е болест која постепено ја оштетува макулата – делот од мрежницата одговорен за остар, централен вид.

Како што болеста напредува, на заболените им станува сè потешко да препознаат лица, да читаат и да ги извршуваат секојдневните задачи, додека периферниот вид останува зачуван.

Иако не постои лек, здравата исхрана може да игра клучна улога во спречувањето и забавувањето на прогресијата на болеста.

Здравствени придобивки од ф’стаците

Ф’стаците се богати со лутеин, моќен антиоксиданс кој помага да се заштити мрежницата од штетното сино и УВ зрачење.

Студијата покажа дека учесниците кои консумирале две шаки несолени, суво печени ф’стаци во текот на шест недели значително ја подобриле густината на макуларниот пигмент, кој е клучен за здравјето на очите, пишува New York Post.

„Лутеинот делува како очила за сонце за вашите очи“, објаснува д-р Скот. Освен во ф’стаците, лутеинот го има и во лиснатиот зелен зеленчук, но телото многу поефикасно го апсорбира од ф’стаците благодарение на природната содржина на здрави масти.

Освен што го поддржуваат видот, ф’стаците можат да го намалат оксидативниот стрес и воспалението во мозокот, што е важно за спречување на срцеви заболувања и дијабетес.

Тие се исто така богати со влакна и протеини, го поддржуваат варењето, помагаат во регулирањето на телесната тежина и го намалуваат крвниот притисок и нивото на холестерол Index.hr.