ПопуларноТехнологија

Кинескиот хит AI освојува се: Сега е и на Windows

Кинескиот стартап, кој создаде исклучително успешен модел на вештачка интелигенција, не престанува да привлекува внимание.

“DeepSeek” моментално е во центарот на вниманието, а овој популарен кинески стартап со вештачка интелигенција привлекува големо внимание во јавноста поради големиот успех што го постигна за краток временски период.

Не долго по објавувањето, асистентот за вештачка интелигенција DeepSeek стекна голема популарност и се најде на врвот на продавниците за апликации на Apple и Google како највисоко оценета бесплатна апликација.

Сега се најавени повеќе партнерства, вклучувајќи ја и достапноста на DeepSeek на платформите на Microsoft.

Иако Microsoft е тесно поврзан со ChatGPT AI моделот на OpenAI, компанијата објави дека наскоро ќе го донесе моделот DeepSeek-R1 AI на Copilot+ компјутерите.

Прво ќе биде достапен на уредите Snapdragon X, а потоа ќе пристигне на компјутерите Intel Lunar Lake и AMD Ryzen AI 9.

Моделот DeepSeek-R1-Distill-Qwen-1.5B наскоро доаѓа во Microsoft AI Tookit за програмери, а помоќните варијанти 7B и 14B доаѓаат подоцна.

Во исто време, Microsoft го носи моделот DeepSeek R1 на својата платформа Azure AI Foundry. Кинескиот модел со вештачка интелигенција ќе им се придружи на другите модели со вештачка интелигенција таму, како што се GPT-4, Mistral AI, Meta-Llama 3 и други.