Маск го најави маршот до Марс: Ракетата Starship заминува уште порано отколку што мислевме

Маск на конференциски повик минатиот април им кажа на инвеститорите дека очекува “Optimus” да може да ги извршува задачите до крајот на 2024 година.

Илон Маск, основачот на „SpaceX“, во петокот изјави дека ракетата Starship ќе биде подготвена да полета кон Марс на крајот на следната година со роботот Optimus, кој го развива неговата друга компанија „Tesla“.

Маск во објава на социјалната мрежа X рече дека луѓето би можеле да стигнат на Марс веќе во 2029 година, но дека е поверојатно тоа да се случи во 2031 година доколку првичните слетувања поминат добро.

Маск на конференциски повик минатиот април им кажа на инвеститорите дека очекува Optimus да може да ги извршува задачите до крајот на 2024 година.

Starship departs for Mars at the end of next year, carrying Optimus.

If those landings go well, then human landings may start as soon as 2029, although 2031 is more likely. https://t.co/JRBB95sgNN

— Elon Musk (@elonmusk) March 15, 2025

Во ноември, Ројтерс цитираше извори кои рекоа дека сонот на Маск за ставање луѓе на Марс ќе стане поголем национален приоритет за време на американскиот претседател Доналд Трамп, што сигнализира големи промени за лунарната програма на НАСА и поддршката за SpaceX.

Ракетата Starship е клучна за идните лансирања на сателити на SpaceX, сектор кој во моментов го води со нејзината делумно повторлива ракета Falcon 9, како и со аспирациите на Маск да го колонизира Марс.