Младоженецот емотивно се скрши кога го слушна гласот од спикерот (ВИДЕО)
Младоженецот немал поим какво шокантно изненадување и бран на емоции ќе доживее на денот на венчавката.
На TikTok е објавено видео од венчавка во Хокстоун Хол, во англиската област Шропшир и собра речиси неверојатни 84 милиони прегледи.
Неименуваниот младоженец ја чекал својата идна сопруга пред олтарот, не знаејќи што му се подготвува.
Додека стоеше со свртен грб, од говорникот се слушна детски глас…
„Здраво тато. Јас сум… Еви. Одам до олтарот и ќе се видиме наскоро бидејќи ќе се омажиш за мајка ми и таа изгледа прекрасно, исто како мене. Те сакаме многу, до месечината и назад. Те сакаме повеќе од моите омилени бонбони“, рече малото девојче.
Нејзините зборови го расплакаа видно изненадениот младоженец, таткото на Еви.
Тие трогнаа и многу корисници на социјалните мрежи кои го гледаа видеото.
„Прекрасно! Плачев како мало дете“, напиша еден корисник – и не беше единствената. „Совршен пример за вистинска љубов“, напиша друг.
“Повеќе од моите омилени бонбони… Срцето ми се скрши!“, пишува во коментарот. Многумина исто така изразија желба да ја видат Еви како оди по патеката, бидејќи таа не се гледа на објавеното видео. „Еви е вистинската ѕвезда на видеото. Навистина сакам да ја видам и што се случи кога стигна до олтарот“, напиша еден корисник на TikTok.
