Намирницата од која бегаме најдобро ги чисти крвните садови и го поддржува здравјето на срцето
Здравјето на нашите артерии игра клучна улога во целокупното функционирање на организмот, а исхраната има пресудно влијание врз нивната флексибилност и долговечност.
Д-р Ерик Берг, експерт за кардиоваскуларно здравје, открива која намирница има клучна улога во прочистувањето на нашите артерии.
Важноста на правилната исхрана за срцето
Правилната исхрана може да спречи проблеми со срцето и крвните садови, а д-р Берг, познат нутриционист, истакнува дека една намирница што често ја избегнуваме всушност има позитивно влијание врз здравјето на артериите.
Пред да го открие својот заклучок, тој прво објаснува како функционираат крвните садови и од што се составени.
Внатрешниот слој на артериите, познат како ендотелиум, има клучна улога во:
- Контролата на крвниот притисок
- Поддршката на функцијата на бубрезите
- Превенцијата на создавање на тромбови (крвни згрутчувања)
- Јакнењето на имунолошкиот систем
„Овој слој функционира благодарение на глукозата, но тоа не значи дека мора да внесуваме шеќер. Телото само може да произведе глукоза, но за ендотелиумот да ја искористи, му е потребен инсулин“, објаснува д-р Берг.
Опасноста од инсулинска резистенција
Проблемот настанува кога се развива инсулинска резистенција – состојба во која клетките не можат ефикасно да го користат инсулинот, што доведува до тоа артериите буквално да гладуваат. Денес, најголем дел од луѓето страдаат од инсулинска резистенција, а главните причини се:
- Исхрана богата со јаглехидрати
- Често грицкање и ужини
- Употреба на растителни масла богати со омега-6 масни киселини
„Овие фактори доведуваат до прекумерно лачење на инсулин, што резултира со вкочанети и затнати артерии, како и долгорочни оштетувања на кардиоваскуларниот систем“, објаснува докторот.
Што е клучно за здрави и флексибилни артерии?
Еден од најважните елементи за одржување на здрави артерии е азот-моноксидот (NO), кој ги опушта крвните садови и спречува нивно стврднување.
„Лекарите често препорачуваат житарки и растителни масла, но тие се главно рафинирани и предизвикуваат нагли скокови на инсулинот, што на долг рок штети на артериите. Најдобрата исхрана за здрави артерии е онаа со низок внес на јаглехидрати или кетогена исхрана, бидејќи го стабилизира нивото на инсулин и го намалува ризикот од кардиоваскуларни заболувања. Главната состојка? Црвеното месо, затоа што содржи цинк. Исто така, во исхраната треба да се вклучат семки, бидејќи тие се богати со цинк, магнезиум и селен“, истакнува д-р Берг.
Клучни нутриенти за здравје на срцето и артериите
Покрај исхраната, постојат и одредени нутриенти што играат клучна улога во зачувување на здравите артерии:
Витамин Д – неопходен за здравјето на срцето, но не може да се внесе доволно само преку исхраната.
„Затоа е важно секој ден да се изложуваме на сонце (без претерување и изгореници) и да внесуваме 10.000 IU витамин Д во зимските месеци. Недостатокот на витамин Д е поврзан со висок крвен притисок и слабеење на артериите“, смета докторот.
Аргинин – природно се наоѓа во црвеното месо и помага во производството на азот-моноксид (NO), кој ги шири крвните садови.
Магнезиум – спречува акумулација на калциум во артериите и ја подобрува нивната флексибилност.
„За вистински да ги заштитите вашите артерии и срце, треба да ги исфрлите рафинираните житарки и растителни масла, да се фокусирате на правилно избалансирана исхрана, да одржувате стабилно ниво на инсулин и да внесувате клучни нутриенти како витамин D, аргинин и магнезиум. И за крај, најдобриот оброк за вашите артерии? Црвено месо, здрави масти и минимален внес на јаглехидрати“, заклучува д-р Ерик Берг.
