Британската водителка позираше во латекс – луѓето не можат да поверуваат колку години има

Британската водителка Аманда Холден го привлече вниманието за време на неодамнешен излез во Лондон.

54-годишната Аманда се појави во кафена латекс-фустан со кој усогласи и ракавици во иста боја. На комбинацијата ѝ додаде златни штикли, накит и сончеви очила.

На социјалните мрежи, нејзините следбеници често ѝ пишуваат дека изгледа неверојатно младолико. „Како е можно да изгледаш сè подобро како што старееш?“, ја прашуваат, често изразувајќи неверување дека Аманда има над 50 години.

Која е Аманда Холден?

Аманда Холден е британска телевизиска водителка, актерка и пејачка, најпозната како долгогодишен член на жирито во шоуто Britain’s Got Talent, каде што учествува од 2007 година.

Кариерата ја започнала како актерка, појавувајќи се во британски серии како Kiss Me Kate, The Grimleys и Wild at Heart. На театарската сцена се истакна со улогата во мјузиклот Thoroughly Modern Millie, за која беше номинирана за престижната награда Laurence Olivier.

На телевизија, покрај Britain’s Got Talent, водела и емисии како This Morning и Give a Pet a Home. Од 2019 година, таа е ководителка на утринската радио-емисија Heart Breakfast.

Аманда е во брак со музичкиот продуцент Крис Хјуз од 2008 година, и заедно имаат две ќерки: Лекси (19) и Холи (13). Претходно била во брак со комичарот Лес Денис, од 1995 до 2003 година.