Македонските близначки се многу слични на Адријана Лима, а поради навредите накратко го деактивираа профилот: Кои се преталентираните девојки кои живеат за музика?
Деновиве актуелна тема на социјалната мрежа Х (поранешен Твитер) се близначките Андреа и Патриција од Македонија – многумина се заинтригирани од нивниот физички изглед, но и од сличноста со бразилската манекенка Адријана Лима. Многумина немаат пофални зборови за овие млади дами, тврдејќи дека изгледаат како „пластични кукли“ и „Адријана Лима од Али Експрес“.
Се чини дека ваквите коментари не им паѓаат лесно на атрактивните Македонки, со оглед на тоа што набрзо го затворија својот Инстаграм профил кој беше отворен пред хајката. Сепак, тие набрзо го направија профилот повторно достапен за љубопитните очи.
Македонските близначки можеби имаат изглед и градба како моделот, а се занимаваат и со хонорарно манекенство, но можат да се пофалат со успех во светот на музиката. Андреа и Патриција сериозно ја тресат електронската музичка сцена како диџејското дуо „The Geors“.
Овие две 21-годишни девојки успеаја брзо да станат препознатливо име во светот на хаус и техно музиката, спојувајќи ја нивната страст за музиката и модата, окупирајќи го и сетилото за слух и сетилото за вид.
Освен во нивната родна Македонија, тие се многу популарни во и во околните земји како Грција и Албанија, но својот талент и страст за музика го покажаа и во реномирани клубови низ светот како што е „Marquee Day & Night Club“ во Лас Вегас.
Андреа и Патриција се занимаваат со музика од детството; на шест години започнале музичко училиште и почнале да учат пијано. Денеска велат дека музиката е нераскинлив дел од нивното битие и дека дефинитивно претпочитаат да се изразуваат преку уметноста.
„Не ни е лесно да го замислиме животот без музика, бидејќи тоа е она што го правиме и го допира целото наше битие. Меѓутоа, да не се занимававме со музичка кариера, можеби ќе запловевме во светот на сликарството и визуелните уметности. Слободно може да се каже дека сепак ќе бевме во својство на некоја уметност“, изјавиле близначките за порталот „Плазма рекордс“.
Покрај музика, манекенство, визуелни уметности, овие две девојки студираат и компјутерско инженерство, па сигурно нема простор за критики, без разлика дали ви се допаѓа нивниот физички изглед или не. Тие се талентирани и образовани, а тоа е најважно.
