„Мајко, брате, јас веќе не можам“ – Пејачот напишал проштално писмо, полицијата му упаднала во стан и му го спасила животот во последен момент: Во болница се покајал за сè
Пејачот Бојан Томовиќ со години се бори со здравствени проблеми и отворено говори за своето биполарно нарушување и депресијата.
Во еден момент, се обидел да си го одземе животот, а животот му бил спасен во последен момент од страна на полицијата.
– Мајко, брате, простете, но јас веќе не можам. Никој не е виновен. Заминувам среќен кај мојот Тајо. Сакам да ме погребате на Цетиње, тоа ми е единствена и последна желба, напиша тогаш Бојан на своите социјални мрежи, простувајќи се со семејството. Наскоро потоа повторно се огласи и откри што се случило:
„Најлошото помина. Штотуку пристигнав дома. Брзата помош ми го спаси животот и по укажаната помош морав да потпишам антисуициден договор, така што, навистина, повеќе никогаш нема да се самоповредувам, но за секој случај оставив тестамент ако нешто ми се случи, и го испратив кај адвокат, бидејќи на тој начин ја заштитувам поранешната сопруга од семејството кое се откажа од мене“, изјави тој тогаш.
„Со лисици ме однесоа на психијатрија“
„Точно е дека со лисици ме уапсија, прво ме одведоа во полиција, а од таму на психијатрија, поради мојата дијагноза – биполарно растројство.
До сега двапати сум бил присилно хоспитализиран. Првиот пат во 2019 година, кога се обидов да се самоубијам, вториот пат во 2024 година, откако мајка ми и вујко ми по расправија ме пријавија во полиција, па ме одведоа со лисици на психијатрија. Тогаш добив едномесечна забрана за приближување кон мајка ми и вујко ми, и од тогаш не зборувам со нив.
Сега докторите се обидуваат со електрошокови и литиум некако да ми помогнат, бидејќи депресијата повторно ме уништува. Секој ден три пати примам струја во мозокот – тоа се прави кога антидепресивите веќе не делуваат. Струјата пече и боли, но потоа се чувствуваш подобро, како да си на кокаин. Ова ми е петта или шеста хоспитализација, и се надевам дека конечно ќе ми биде подобро за да можам да се вратам на музиката и настапите – изјави тој.
