Поради ова фустанче Вилијам „повторно се вљуби“: Струкирано, женствено, ѝ стои како прелеано – а не го носи првпат

Модниот свет е единствен во оценката – Кејт Мидлтон не е само принцеза, туку вистинска владетелка на софистицираниот стил кој секогаш останува доследен, но никогаш здодевен.

Лондонскиот „Horse Guards Parade“ оваа недела беше епицентар на кралска елеганција и свеченост, по повод одбележувањето на 80-годишнината од Денот на победата во Европа (VE Day), со кој традиционално се слави крајот на Втората светска војна.

По утринската благодарствена служба во Вестминстерската опатија, принцот и принцезата од Велс ја изненадија јавноста со појавување на вечерниот концерт, привлекувајќи големо медиумско внимание.

Особено внимание привлече принцезата Кејт Мидлтон, чиј беспрекорен моден избор уште еднаш потврди зошто со право се смета за икона на стилот.

Меѓу морето од униформирани одела и темни нијанси, Кејт заблеска во нежен бел фустан кој модните познавачи веднаш го препознаа – елегантна креација на брендот Self-Portrait, што таа веќе го носеше во 2022 година на прославата на Платинестиот јубилеј на кралицата Елизабета.

Нејзиното повторно појавување во истиот, но беспрекорно стилизиран фустан, уште еднаш покажа како софистицираноста и одржливоста можат одлично да се усогласат.

Фустанот е изработен од комбинација на струкиран горен дел, со крој што потсетува на дама-сако со елегантни копчиња и тенок појас кој дополнително ја нагласува силуетата на принцезата, и лесна миди сукња од тул која зрачи со женственост и леснотија.

Посебна убавина на сукњата ѝ дава чипкастото под-здолниште што дискретно ѕирка низ тулот, создавајќи романтичен контраст со структурираниот горен дел и внесувајќи мекост во целиот изглед.

Овој спој на прецизна кројка и лесен материјал совршено го отсликува балансот меѓу класичната кралска елеганција и современиот сензибилитет.

Кејт ја надополни оваа комбинација со четирислојна бисерна огрлица, бисерни обетки во форма на кластер и црна машна од сомот во косата – детаљ што ѝ даде дополнителна грациозност.

Идната британска кралица ги воодушеви сите присутни, а не остана незабележано ниту воодушевувањето на принцот Вилијам од изгледот на својата сопруга.