(ФОТО) Ванда сакала да објави слики од децата, но по грешка ѕирнаа разголени фотографии
Ванда Нара пред шест месеци ја прекина врската со аргентинскиот фудбалер Мауро Икарди. Нивната десетгодишна љубовна приказна беше исполнета со скандали и контроверзии.
Сакајќи или не, контроверзната менаџерка секогаш наоѓа начин да ја привлече јавноста. Овој пат тоа го направи случајно. Или можеби и не?
Атрактивната Аргентинка на социјалните мрежи сподели фотографија на која нејзините деца појадуваат со пријателите, но наместо оригиналната слика, случајно објави скриншот, не проверувајќи дали во него има инкриминирачка содржина. За жал, имаше – но таа не го забележа на време.
Под фотографијата се гледале нејзини разголени слики. Социјалните мрежи експлодираа, а кога Ванда сфати што направила, веднаш ја избриша објавата. Но, интернетот не заборава. Наместо да ги разнежни своите следбеници, направи сосема спротивното …
Бура од скандали и нов почеток
Пред половина година, Ванда и Икарди конечно ја прекинаа нивната турбулентна врска. И покрај обидите да ја спасат, нивниот однос беше исполнет со раскинувања, повторни помирувања, афери и јавни препукувања. Конечно сфатија дека повеќе нема смисла, па решија да стават крај.
Во тек е развод и битка за имотот. Не е познато што кому ќе припадне, но сигурно е дека Ванда нема да биде благонаклона кон својот поранешен сопруг, кому истовремено му беше и менаџерка.
„Пробав, но веќе не одеше. На интернет има премногу лаги за мене, но го прифаќам тоа како дел од лошата страна на јавниот живот. Мауро и јас секогаш ќе бидеме семејство. Не беше грешка што се обидовме, бидејќи имаше љубов. Не жалам за ништо – овие години беа најубавите во мојот живот, но сега морам да продолжам сама. Децата ми се приоритет повеќе од кога било.“
Ванда ќе го добие старателството над нивните две ќерки, Франческа (8) и Изабела (7).
Нов љубовен почеток со раперот L-Gante
Сепак, Ванда не остана долго сама. Веќе има нова врска – и тоа со аргентинскиот рапер L-Gante, за кого се зборува дека тајно го изневерувала Икарди додека тој играл за Галатасарај.
