Ентони Џошуа брутално го нокаутираше Френсис Нгану!
Мега борбата во Ријад заврши брзо и драматично откако Џошуа му одржа лекција на Нгану во втората рунда!
Откако Френсис Нгану му пружи вистинска битка на светскиот шампион Тајсон Фјури, јасно беше дека ќе продолжи да се бори со најјаките боксери во тешката категорија.
Како што кажува тој, додека се борел во ММА имал желба да те се тепа со тројца боксери: Тајсон Фјури, Ентони Џошуа и Деонте Вајлдер.
После вчерашната битка ќе треба да паузира малце откако Џошуа му одржа вистинска лекција кога е во прашање боксот.
Како се одвиваше борбата?
Во ниту еден момент во борбата Ентони Џошуа не се наоѓаше во опасност. Првата рунда беше речиси еднаква сè додека Џошуа не го погоди Нгану со чист директ по што Нгану падна и всушност сфати со што се справува.
Втората рунда на Џошуа веќе му беше јасно дека е доминантниот борец, го бутна еднаш со кроше во глава, и штом стана Нгану, го дочека уште еден страотен бокс по што падна во несвест и не мрдна од истата позиција неколку минути. Видеото од нокаутот може да го видите подолу.
Откако успеаја да го кренат Нгану на нозе, веднаш му беше даде кислород за да се оправи побрзо. Штом беше во можност да комуницира, веднаш дојде Џошуа да му честита за неговата транзиција од ММА во бокс.
„Ти си ми инспирација, твојот живот ме инспирира. Не се откажувај од бокс, тука ти е местото“ му кажа Џошуа на Нгану веднаш по борбата. Дури и после битката двајцата борци се најдоа и постираа слика на социјалните мрежи
Откако се прибраа од арената, боксерите имаа по уште некоја порака еден на друг.
„Не дозволувај успехот да ти удри во глава и не дозволувај неуспеси да ти го допрат срцето!“ изјави Џошуа и кажа дека се надева да се спои со Нгану и да направат добри работи за африканската заедница.
Нгану сепак се извини на фановите за резултатот. „Извинете што ве изневерив. Денес беше лош ден, но сепак има и утре. Фала ви за целата љубов“ изјави Нгану на својот твитер профил.
Ова е првиот пат во историја некој да успее да го нокаутира камерунскиот борец
