Си замина уште една спортска легенда: Почина О.Џ Симпсон

Почина Орентал Џејмс Симпсон, попознат само како О.Џ Симпсон. Поранешниот спортист починал во Лас Вегас во кругот на семејството по борбата со рак.

Тој е поранешен великан на американскиот фудбал, а интернационалниот познат станал по судењето за двојното убиство на неговата поранешна сопруга Никол Браун Симпсон и нејзиниот пријател Рон Голдман во 90-тите години од минатиот век.

Симспон пред две децении беше ослободен од обвиненијата за двојно убиство, пресуда која ја шокираше Америка.

Меѓутоа, во затвор завршил поради вооружен грабеж, напад со смртносно оружје и уште неколку казнени дела извршени во 2007-ма година во хотел во Лас Вегас.