Смутито кое Новак го пие наутро: Полн е со енергија на натпреварите и тренинзите

Најдобриот тенисер на светот не се откажува од здравите навики кои одамна ги усвоил.

Новак Ѓоковиќ е најдобриот тенисер на сите времиња, а откако влезе во светот на спортот стана популарен ширум планетата, а јавноста е заинтересирана за секој сегмент од неговиот живот.

И тој и неговата сопруга Јелена Ѓоковиќ многу внимаваат за нивната исхрана, а познато е дека не консумираат намирници кои содржат глутен.

Освен тоа, тие не отстапуваат од некои правила и навики, а една од нив е и напитокот којшто Новак го пие после станување од кревет.

Овој напиток му е „верен“ речиси деценија, кога ги открил состојките кои се наоѓаат во него. И вие може да го направите во вашите кујни, пишува „Unfold Today“.

Содржина:

• 2 зрели банани;
• 4 лажици чиа семе;
• 1 лажица ленено семе;
• 250 милилитри вода;
• 200 милилитри кокосово млеко (може и бадемово);
• 1 лажица протеински прав;
• 2,5 лажици какао;
• половина лажица цимет.

Како да го направите?

Подготовка:
Во суштина количината на овие намирници секој би требало да ја одреди во зависност од тоа колку голем блендер поседува.

Излупете ги бананите, преполовете ги и ставете ги во блендер. Потоа ставете го кокосовото млеко и водата, па и останатите состојки.

Блендирајте додека не ја добиете компактната смеса која најдобриот тенисер на светот ја пие со години секое утро.