Шокантно предвидување! Откриено како ќе изгледаат луѓето за 1.000 години – еден детаљ е застрашувачки (ВИДЕО)

Вештачката интелигенција, користејќи го Google ImageFX и предвидувањата на водечки научници, создала слики кои прикажуваат како би можеле да изгледаат луѓето за 1.000 години.
Експертите сметаат дека неколку клучни фактори ќе влијаат на еволуцијата на човечкиот род и неговата трансформација.

Како ќе се променат луѓето за 1.000 години според прогнозите на експертите и вештачката интелигенција?

Луѓето ќе станат пониски

Професорот Марк Томас, генетичар од Универзитетскиот колеџ во Лондон, истакнува дека постои можност во иднина луѓето да бидат пониски.
Тој објаснува дека раната полова зрелост и пониската висина може да бидат поврзани, па ако луѓето кои созреваат порано имаат повеќе деца, таквите гени би можеле да станат доминантни во популацијата. Видеото можете да го погледнете ТУКА!

Ќе станат и попривлечни

Научниците сметаат дека во наредните 1.000 години може да дојде до промени во карактеристиките што се сметаат за привлечни.
Професорот Томас вели:

“Влегуваме во свет во кој жените самостојно избираат партнери според тоа што им се допаѓа – било да е тоа интелигенција, успех, физички изглед или мускулеста градба. Со зголемувањето на женската селекција, се очекува и пораст на овие особини. На долг рок, тоа би можело да доведе до тоа просечниот човек да стане поубав од денешниот.”

Ќе имаат потемна кожа и ќе можат да ги избираат своите особини

Големи промени се очекуваат и во поглед на етничката разновидност. Научниците предвидуваат дека во иднина луѓето ќе имаат потемна кожа и поизедначени црти на лицето поради зголеменото мешање на етничките групи.

Генетската модификација би можела да стане клучен фактор во еволуцијата.
Доктор Џејсон Хоџсон, предавач по биоинформатика на Универзитетот Англија Раскин, вели:

“Веќе ја имаме технологијата за прецизно уредување на гените. Некои футуристи веруваат дека идните генерации ќе можат да избираат специфични генетски карактеристики – како поголема отпорност на UV зрачење или подобрена физичка издржливост.”

Мозокот ќе биде помал

Научниците предвидуваат и намалување на човечкиот мозок поради зависноста од технологијата. Професорот Роберт Брукс од Универзитетот Нов Јужен Велс тврди дека компјутерите преземаат сè повеќе задачи, па предноста на големиот мозок станува помалку значајна.

Доктор Николас Лонгриќ, палеонтолог од Универзитетот во Бат, ги споредува луѓето со „самотренирани мајмуни“, сугерирајќи дека би можеле да станат помалку когнитивно самостојни.

Ќе развијат нова форма на тело

Ако луѓето еден ден ја колонизираат вселената, тие би можеле да развијат сосема нова форма на тело. На планети со ниска гравитација луѓето би можеле да станат повисоки, да имаат подолги раце и поголеми очи.

NASA веќе забележува дека астронаутите растат за 3 проценти за време на престојот во вселената поради издолжувањето на ‘рбетот. Ако дел од човештвото се насели на Марс, не е исклучено дека би можеле да еволуираат во нов вид – различен од луѓето на Земјата.

Иако е невозможно со сигурност да се предвиди како ќе изгледа човештвото за 1.000 години, едно е јасно – еволуцијата не запира. Со брзиот технолошки напредок и општествените промени, светот на иднината можеби ќе изгледа сосема поразлично од сè што денес можеме да си замислиме, пренесува „Daily Mail“.