4 грешки при полнење на телефонот: Прв совет – не го чувајте на полнач до 100 проценти

Експертот за батерии објаснува како внатрешното електрохемиско абење со текот на времето го скратува животниот век на батеријата

• Екстремната топлина, како и екстремниот студ, може негативно да влијаат на траењето на батеријата
• Исто така не се препорачува полнење на батериите навечер, причината е практична
• Исто така се предупредува дека е неопходно да се спарат телефонот и полначот

Денешните паметни телефони се преполни со модерна технологија – од хардвер и графика што може да им парира на компјутерите, камери поради кои повеќе немаме потреба од професионална камера, до вештачка интелигенција која може да пишува мејлови за нас, да создава наши фотографии според нашите желби и многу добро знае сè за нас.

Сепак, и покрај сите овие напредни опции и можности, за многу луѓе, кога се телефоните во прашање, во преден план е нешто сосема друго – батеријата. Поточно, капацитетот и времетраењето, бидејќи нема смисла да имате телефон спакуван со модерна технологија ако не можете да го користите кога ви е најпотребно поради откажување на батеријата.

Без разлика дали имате телефон со моќна батерија или со помал капацитет, постојат одредени трикови за полнење кои можат да ви помогнат да ја зачувате батеријата што е можно подолго, односно да и го продолжите животниот век.

Подолу е совет – од личност која е на чело на развојот на технологијата во стартап кој конкретно се занимава со батерии. Станува збор за компанијата “Lionvolt”, а нејзиниот извршен директор за технологија Сандип Унишришнан во интервју за медиумите објасни како внатрешното електрохемиско трошеење со текот на времето го скратува животниот век на батеријата.

Првите знаци на опаѓање на капацитетот обично се појавуваат по две до три години, а за да го извлечете максимумот од вашата батерија, Унишришнан дава четири совети, односно објаснува што треба да избегнувате.

Четири важни работи

Првата грешка е секој пат да ја полните батеријата до 100 проценти, бидејќи тоа долгорочно му штети на нејзиниот животен век. Наместо тоа, во текот на денот треба да одржувате полнење помеѓу 20 проценти и 80 проценти Се разбира, тоа не е секогаш можно, во зависност од работата и ситуацијата, но ако сакате батеријата да трае што подолго, обидете се да ја задржите во тој опсег.

Затоа, наместо да се полни ноќе, што го практикуваат многу луѓе, подобро е да го полните телефонот преку ден за да можете да го следите нивото на полнење.

Вториот совет, кој е поврзан со првиот, е за оптимизација на полнење, опција достапна на телефоните iPhone и Android. Кога оваа опција е активирана, iPhone учи од вашата дневна рутина за полнење и може да го паузира полнењето над 80 проценти додека не ви треба.

Третата грешка што треба да се избегне е користењето на телефонот додека се полни. Унишришнан објаснува дека температурата на батеријата е критична за нејзиниот животен век и дека екстремната топлина, како и силниот студ, можат негативно да влијаат на неа. Користењето на уредот додека се полни доведува до прекумерно загревање и ја забрзува хемиската деградација. Исто така, тој не препорачува да го држите телефонот под перница или ќебе, бидејќи тоа дополнително ја зголемува температурата.

Четвртиот едноставен совет за зачувување на батеријата е поврзан со полначот. Експертот препорачува користење на полначот што доаѓа со телефонот или кој официјално го препорачува производителот. Користењето поевтини и нестандардни полначи носи различни ризици, вклучително и прегревање на уредот.