Направете сами! Цезар салата како од ресторан! Рецепт со кој нема да погрешите
Цезар салатата стана класика во рестораните ширум светот – еве како да ја подготвите исто така вкусна и дома!
Цезар салатата со децении е едно од најбараните јадења во рестораните, а добрата вест е дека овој класичен рецепт лесно можете да го направите и сами.
Со вистинските состојки и постапка, ќе го добиете истиот кремаст вкус кој секогаш ни го отвора апетитот.
Состојки:
- 1 марула
- 200 г пилешко филе
- 50 г пармезан
- 1 чешне лук
- 3 парчиња стар леб (за крутони)
- маслиново масло
- сол и бибер по вкус
За преливот:
- 1 жолчка
- 1 лажичка сенф
- 2 лажички сок од лимон
- 2 филеа инчуни (по желба)
- 100 мл маслиново масло
- 30 г рендан пармезан
- сол и бибер
Подготовка: Пилешкиот филе посолете го, побиберете и испржете го на малку маслиново масло. Откако ќе се олади, исечете го на тенки ленти. За крутоните, испржете коцки стар леб на малку масло додека не станат крцкави.
За дресингот, изматете ја жолчката со сенфот, сокот од лимон и ситно сечканите инчуни. Постепено додавајте масло со постојано матење, а на крајот вмешајте го ренданиот пармезан.
Во голема чинија измешајте ја сецканата салата, пилешкото месо и крутоните, па прелијте ги со дресингот. Одозгора додадете ленти од пармезан.
Подготвено за миг, со вкус како од најдобрите ресторани!
