АНАМАРИЈА МУ ПРАЌАЛА ГОЛИ ФОТОГРАФИИ НА МАЛОЛЕТНИК (14): Вработена е во училиште – еве со каква казна се соочува!
22-годишната Анамарија Милацо, вработена во училиште во Њујорк, е обвинета откако наводно му праќала голи фотографии на четиринаесетгодишно момче во текот на неколку месеци, соопшти полицијата од округот Чеманг.
Милацо се соочува со обвиненија за дистрибуција на непристоен материјал до малолетник од втор степен – што претставува кривично дело – и за загрозување на добросостојбата на дете – што е прекршок кој исто така се казнува со затвор.
Доколку биде прогласена за виновна по двете точки од обвинението, Милако може да се соочи со казна затвор до пет години, во зависност од одлуката на судот и околностите на случајот.
Истрагата започнала на 9 јуни, кога службеник за безбедност на школата БОЦЕС во јужниот дел на округот примил пријава за несоодветна комуникација меѓу Анамарија и тинејџерот, се наведува во соопштението на окружната полиција.
Полицијата тврди дека Милацо му праќала свои голи фотографии на момчето во период од три месеци.
Во времето кога наводните дела се случиле, Милацо била вработена во ГСТ БОЦЕС – организација што опслужува неколку окрузи во Њујорк и обезбедува образовни услуги, вклучително и програми за ученици со посебни потреби, алтернативно образование и обуки за возрасни.
Властите не ја открија конкретната улога на Милацо ниту нејзиниот тековен работен статус, но локалната телевизиска станица WENY News извести дека таа била вработена како наставен асистент.
