Дами, не се мажете за маж со овие особини

Според советничката за семејство и брак Тина Феј, одредени особини можат да бидат предупредувачки знаци дека партнерот можеби не е вистинскиот избор за брак.

Подолу се клучните особини што треба да ги избегнувате кај партнерот за да обезбедите здрава и среќна врска.

Недостаток на почит

„Почитувањето е основата на секоја здрава врска. Ако вашиот партнер покажува омаловажувачко однесување, ги игнорира вашите чувства или потреби или не ве цени како еднакви, тоа може да доведе до сериозни проблеми во иднина. Вие заслужувате некој што цени вашата индивидуалност и го почитува вашето мислење“

Емоционална недостапност

Партнерот кој е емотивно оддалечен или избегнува подлабоки разговори често создава чувство на осаменост во врската кај другиот партнер. Советникот истакнува:

„Емоционалната врска е клучна за здрава врска. Ако се чувствувате запоставено и несакано, можеби е време да ја преиспитате вашата врска.

Недостаток на амбиција

Амбицијата не мора да значи големи цели во кариерата, но партнерот треба да има цел или страст

„Без желба за личен раст или заедничка иднина, врската може да стагнира. Заедничката визија е клучна за долгорочниот успех на врската“, објасни таа.

Непочитување на границите

Границите го дефинираат прифатливото однесување во врската. Партнерот кој ги игнорира нашите емоционални, физички или ментални граници покажува недостаток на почит и разбирање.

„Почитувањето на границите е фундаментално за здраво партнерство. Затоа љубовта е важна, но не е доволна за успешен брак. Препознајте ги предупредувачките знаци и не плашете се да ја напуштите врската што не го поддржува вашиот раст, среќа и добро Вистинскиот партнер го извлекува најдоброто од вас, а тоа не носи дополнителен стрес“