Исповед на мајка на тинејџери: Што ќе кажат соседите? Случајно спиев со 19-годишно момче

По вечерното излегување со другарките од теретана, таа поканила неколку луѓе кај неа да се дружат бидејќи нејзините деца биле кај нивниот татко. Едно доведе до друго…

Самохраната мајка на двајца тинејџери признала дека мислела дека мажот со кој на крајот спиела е над дваесетина години и додала дека забавата за една ноќ за неа било многу невообичаени.

На британскиот родителски форум “Mumsnet”, таа напиша дека еден пријател ѝ рекол дека премногу размислува за ситуацијата, но била загрижена што ќе помислат другите во селото ако се дознае.

Бројни корисници ја коментираа нејзината исповед – додека некои ја уверуваа дека не треба да се грижи, други ја нарекоа нејзината постапка „одбивна“.

Во објавата таа напиша: “Направив нешто страшно и се чувствувам навистина лошо поради тоа. Имам 43 години, разведена и самохрана мајка на двајца тинејџери. Минатата година се преселивме во ново село, каде што се обидов да запознам луѓе и да стекнам нови пријатели. Се занимавам со фитнес и се приклучив на група за тренинзи со точак, која стана дел од мојот социјален живот.

По вечерното излегување со моите пријатели од теретана, поканив неколку луѓе кај мене да се дружиме бидејќи моите деца беа кај нивниот татко. Водачот на групата за тренинзи донесе неколку свои пријатели. Тој е во неговите дваесетти, па претпоставував дека се на иста возраст.

Накратко, по неколку пијачки и многу флертување, завршив со еден од тие момци. Ова е сосема необично однесување за мене. Имам 43 години и не сум имала забава за една ноќ од моите дваесетти готдини. Но, следното утро младиот човек ми призна дека има само 19 години, што ме вознемири.

Се чувствував одвратно и не можев да престанам да размислувам за таа голема грешка.

Ова сигурно нема да се повтори. Разговарав за тоа со водачот на групата за обука, кој ми рече дека премногу размислувам и дека тоа е само за забава. Постојано размислувам како луѓето би гледале на оваа ситуација ако 43-годишен маж спие со 19-годишна девојка. Дали претерано реагирав?”

Многумина коментираа дека жената не згрешила бидејќи младиот човек е полнолетен. Еден корисник напиша: „Тој е полнолетен. Се додека и двајцата не бевте премногу пијани за да се согласите, не гледам проблем. Секоја чест, всушност!“.

Друг додаде: „Тој има право, а сега има интересна приказна да раскаже. Не сте го заведеле намерно или не сте го „ловеле“, се е во ред. Но, никому не би го спомнал тоа.

Сепак, некои ја нарекоа ситуацијата „одбивна“ и потенцираа дека реакциите ќе бидат многу поостри доколку ситуацијата е обратно. Еден корисник напишал: „Доколку маж во 40-тите спиел со 19-годишна девојка, сите би го нарекле одвратен. Ова не е нелегално, но е прилично одвратно“.

Други изразија загриженост за тоа како нејзините деца би можеле да дознаат за ситуацијата или истакнаа дека целата ситуација е непријатна, без разлика на законитоста.

Иако многумина тврдат дека таа не направила ништо незаконско, ситуацијата предизвика поделени реакции. Додека некои веруваат дека треба да заборави на инцидентот, други ја охрабруваат во иднина да се држи со некој поблизок на нејзината возраст за да избегне ваква непријатност, пишува Daily Mail.