Куче кое упорно се обидува да се намести во плиткото на плажа стана вистински хит на социјалните мрежи.
Цепелин, мешанец од доберман и тибетански териер, оваа недела го освои ТикТок откако неговата сопственичка објави видео од неговата прва средба со морето.
На видеото, кое таа го сподели на својот профил, се гледа збунетиот Цепелин како стои во плитката вода и се обидува да ја потпре главата на површината од морето. Бидејќи ова му беше прво искуство со океанот, тој не можеше да разбере зошто неговата глава постојано потонува наместо да остане над водата.
Изразот на неговото лице и упорното повторување на истиот обид предизвикаа лавина реакции на интернет.
„Видете колку е фрустриран затоа што едноставно не може да го направи тоа“, напиша сопственичката во описот на видеото, кое досега има над 1,4 милиони прегледи и повеќе од 195 илјади лајкови.
Иако многу кучиња природно сакаат вода и лесно пливаат, Цепелин е доказ дека не секое куче е веднаш подготвено за ваква авантура.
Некои раси, како лабрадорите, се селектирани за пливање и лов на птици во вода. Но други, особено оние со пократки нозе или здебелени тела, може да имаат потешкотии да се снајдат во вода.
Дресерот на кучиња и мачки, Иван Петерсел, им советува на сопствениците постепено да ги привикнуваат своите миленици на вода.
„Важно е на кучињата да им се покаже како нивното тело се движи во вода во споредба со копно. Почнете со плитка вода, постепено зголемувајте ја длабочината и користете многу позитивно охрабрување“, препорачува дресерот, пренесува Newsweek.
