Тирамисуто е еден од најпознатите италијански десерти, а неговите неопходни состојки – пандишпан и маскарпоне – станаа класика на светската кујна. Овој рецепт е толку едноставен, а резултатот толку вкусен
Бисквитите, или бискоти савоарди, како што е нивното оригинално име, потекнуваат од Италија. Овие бисквити се неопходни, исто како и маскарпонето, во подготовката на тирамису.
Нивното потекло датира од 15 век, кога за прв пат биле создадени на дворот на војводата од Савоја во чест на францускиот крал кој го посетил нивното војводство. Подоцна станале омилени на европските дворови, нивната карактеристична, издолжена форма наликува на женски прст, поради што го добиле англиското име „ladyfingers“. Овие суви, трошливи бисквити буквално се топат во уста, а кога ги користите за да направите тирамису, невозможно е да им одолеете.
Потребни состојки:
- 250 грама маскарпоне сирење
- 40 грама белки
- 40 грама шеќер
- 50 грама жолчка
- 175 грама пандишпан
- 200 милилитри еспресо
- Малку десертно вино или Амарета
- 1 лажица горчливо какао во прав
Подготовка:
Прво, ставете ги колачињата во чинијата за сервирање така што ќе го покријат дното. Измешајте го еспресото со ликерот по ваш избор и темелно натопете ги бисквитите со таа смеса, која треба целосно да биде натопена во течност. Оставете ја подготвената основа настрана.
Во сад, измешајте ги жолчките со половина од шеќерот додека не добиете лесна, пенеста смеса. Потоа нежно, со помош на шпатула, измешајте го маскарпонето во неа.
Во посебен сад, измешајте ги белките заедно со преостанатиот шеќер додека не добиете цврста смеса. Прво, додадете една лажица снег во смесата со маскарпоне, мешајќи со кружни, лесни движења, а потоа внимателно измешајте го остатокот од снегот додека сè не се соедини рамномерно.
Добиениот крем рамномерно распоредете го врз пандишпанот и малку измазнете ја површината за да биде униформен. Потоа покријте го садот со проѕирна фолија, така што фолијата ќе го допира самиот крем, и оставете го десертот во фрижидер најмалку еден час. Пред сервирање, украсете го тирамисуто со посипување горчливо какао во прав.
Други вести
