Советите што една девојка ги доби на „Reddit“ пред купување половен автомобил беа детални, практични и универзални – применливи за секого што се наоѓа во слична ситуација.
Една девојка од Хрватска неодамна побара совет на „Reddit“ пред да тргне сама во потрага по половен автомобил. Таа планирала да погледне „Renault Clio“ од 2017 година со 185.000 изминати километри, а повеќето совети што ги добила се однесуваат на основните, но често занемарени чекори при купување половен автомобил.
„Вежбај на туѓ автомобил пред да купиш свој“
Еден од корисниците ѝ дал исклучително практичен совет:
„Вежбај на туѓ автомобил. Отвори ја хаубата и погледни од тркалата до фаровите од двете страни. Ако деловите се на иста висина и симетрични, автомобилот најверојатно не бил удрен. Земји батериска ламба и погледни ја страната на моторот – ако има маснотии, веројатно пропуштиле дихтунзите.“
Тој додал и дека е важно да се проверат вратите и рабовите кај дното на автомобилот:
„Ако се ’за’рѓани‘ или ако бојата е во друга нијанса, автомобилот бил фарбан или удрен. Стаклата мора да имаат налепница ’Renault‘; ако ја нема, некој ги менувал.“
Проверка на механиката
Советот продолжува со детал за квачило и звук на моторот:
„Кога ќе го запалиш автомобилот, притисни го квачилото и пушти го. Ако се слуша слабо зуење, квачилото ќе треба сервис во блиска иднина. ’Renault Clio‘ од 2017 со 185.000 километри значи просек од 23.000 км годишно – возен е, но километражата е нормална.“
„Дизел или бензин?“
Друг корисник посочил дека типот на погон има голема улога:
„Дали е дизел? Ако ќе го користиш по град и не го возиш барем десет минути на обиколница еднаш на две недели – подобро земи бензинец. И поведи некој што повеќе се разбира во половни возила, сигурно ќе забележи повеќе детали од тебе.“
„Ако не се грижи за дворот, не се грижи ни за автомобилот“
Посебно внимание предизвика советот за местото на прегледот:
„Пред потпишување на договор, однеси го автомобилот на технички преглед. Евтино и брзо ќе утврдат ако нешто не е во ред. И никако не разгледувај автомобил на бензинска, на паркинг од продавница или во пералница. Сакам да видам каде живее лицето што го продава автомобилот – ако не се грижи за дворот или фасадата, најверојатно не се грижело ни за колата.“
Преговори, детали и сигурност
Корисниците истакнаа и неколку задолжителни совети за купување половен автомобил:
„Никако не плаќај ја целата огласена цена. 10 – 15% пониска цена е сосема разумна. Ако не сакаш да преговараш во живо, по разгледувањето испрати порака со реална понуда.“
Дополнително предупредија:
- Немој да го гледаш автомобилот навечер или по дожд.
- Ако хаубата е топла пред твоето пристигнување – продавачот можеби крие проблем.
- И најважно: не оди сама.
„Најдобро е да поведеш некого – нека се облече како автомеханичар. Одеднаш ќе изгледаш посериозно и ќе можеш подобро да преговараш,“ напишал еден од корисниците.
Овие совети покажуваат дека купувањето половен автомобил бара повеќе внимание отколку што изгледа.
Од проверка на мотор и стакла до проценка на продавачот – деталите можат да направат разлика меѓу добра зделка и скапа грешка.
Други вести
Настинка, грип или ковид: Зошто сите одеднаш се разболеа?
