Наместо традиционално студирање на правен факултет, Ким Кардашијан од 2018 година се образува преку програмата за практикантство во адвокатска канцеларија.
Ким Кардашијан е на чекор до остварување на својот долгогодишен сон – кариера во правото, а неодамна откри и кога точно тоа ќе се случи. Гостувајќи во популарната емисија „The Graham Norton Show“ за време на промоцијата на нејзината нова правна драма „All’s Fair“, 45-годишната ријалити ѕвезда и бизнисменка потврди дека многу скоро ќе биде квалификувана за работа како адвокатка.
Големи планови за иднината
За време на гостувањето во емисијата во петок, на 24 октомври, Ким откри дека ја делат само неколку недели од нејзината цел.
„Ќе бидам квалификувана за две недели. Се надевам дека ќе се занимавам со право,“ изјави таа.
„Можеби за 10 години ќе се откажам од тоа да бидам Ким К. и ќе станам адвокатка во судница. Тоа е навистина она што го сакам.“
Долг пат до лиценцата
Нејзиниот пат кон адвокатската лиценца беше нетипичен. Наместо да посетува класичен правен факултет, Ким од 2018 година учеше преку „Law Office Study Program“, алтернативен систем достапен во американската држава Калифорнија, кој овозможува кандидатите да се подготвуваат во рамки на адвокатска канцеларија.
Во декември 2021 година, Кардашијан објави дека го положила таканаречениот „baby bar“ испит – предуслов за полагање на завршниот правосуден испит во Калифорнија – по три неуспешни обиди претходно.
Својот правен програм успешно го заврши во мај оваа година, со што конечно се приближи до целта што ја најавува со години – да стане лиценцирана адвокатка и да ја продолжи мисијата за реформирање на американскиот правосуден систем.
Други вести
