Маж накратко се разбудил од кома за да ја обвини девојката за предизвикување сообраќајна несреќа пред да умре

Даниел Вотерман почина во болница неколку месеци откако беше повреден во сообраќајна несреќа во февруари

Иден татко се разбуди од кома доволно долго за да ја обвини својата девојка дека намерно ја предизвикала несреќата што довело до неговата смрт.

Во февруари, Даниел Вотерман патувал со својата девојка Леига Мамби по автопат во Флорида кога автомобилот скршнал од патот и се судрил со дрво.

Со несреќата, Вотерман добил тешки повреди, вклучувајќи повреди на ‘рбетот и траума на главата и лицето, оставајќи го 22-годишникот во кома. Во меѓувреме, Мамби, која била бремена во времето на несреќата, ги преживеала повредите и оттогаш родила девојче.

Вотерман подоцна бил стабилизиран и префрлен од Флорида во болница во неговиот роден град Сиракуза, Њујорк, каде што накратко се освестил.

Во тоа време, Вотерман можел да комуницира со полицијата во мај и ја обвинил Мамби дека намерно го удрила автомобилот.

Според изјава под заклетва добиена од “PEOPLE”, Вотерман тврдел дека тој и Мамби се расправале откако добил СМС-порака од жена од Њујорк. Неговата мајка оттогаш изјавила дека двајцата биле пријатели и дека си пишувале за Супербоул.

Додека двојката продолжила да се расправа, Вотерман тврдел дека Мамби почналa да вози сè понепредвидливо, забрзувајќи до околу 80 и 90 милји на час(околу 150-160 km/h).

Тој тврдел дека Мамби му рекла: „Не ми е гајле што ќе се случи, ќе добиеш она што го заслужуваш“, пред да го удри автомобилот во дрво.

Состојбата на Вотерман почнала да се подобрува додека бил во болница и тој можел да започне со физикална терапија откако се освестил.

Сепак, подоцна развил пневмонија, која му го одзела животот на 8 октомври.

„Никогаш не се откажал“, изјавила неговата мајка, Хедер Вотерман, за локалниот медиум “Syracuse.com”. „Цело време, тој буквално никогаш не се откажал“.

Во меѓувреме, Мамби е обвинета за убиство во сообраќај по смртта на Вотерман. Таа претходно беше обвинета за тешка телесна повреда со смртоносно оружје и несовесно возење кое предизвикало сериозни телесни повреди во јули.

Семејството на Вотерман сега е во процес на започнување правна битка за утврдување на татковство и добивање старателство над детето. „Ќе направиме сè што можеме за да ја донесеме кај нас“, изјави Хедер за медиумот, откривајќи дека нејзиниот син посетувал онлајн часови за родителство и со нетрпение очекувал да стане татко.

„Тој сакал таа да расте во Њујорк со неговото семејство.“

„Нашата мисија во животот е, ако тоа дете е негово, да го земеме тоа дете и да ја научиме што бил нејзиниот татко“, додаде неговиот дедо Мајкл Гилман за CNYcentral.

„Таа мора да го познава преку нашите постапки, преку нашите сеќавања. Нема да го оставиме да си оди.“